"ჩავრთოთ ბლუთუზი, გავააქტიუროთ აცრილი მხარე და დაველოდოთ... შევამოწმოთ და არ იჭერს, მამაო" - დეკანოზის პოსტი და ექიმის სახალისო პასუხი

სოცილაურ ქსელ Facebook-ში გავრცელდა პოსტი, რომელშიც მეტეხის ტაძრის დეკანოზი ანტონ კიკნაველიძე დახურულ ჯგუფში წერს, რომ კორონავირუსის საწინააღმდეგო ვაქცინით აცრილებს ბლუთუზი იჭერს.

პოსტის ამსახველ ფოტოები Facebook-ზე რელიგიის ექსპერტთა ასოციაციამ გაავრცელა. "შიში გამართლდა, ვაქცინირებულებს იჭერს ბლუთუზი", - წერს დეკანოზი.

გავრცელებულ პოსტს "ფეისბუქშივე" გამოეხმაურა ექიმი არჩილ მარშანია. მან ვიდეო გამოაქვეყნა, რომელშიც ამბობს:

"მოდი, გადავამოწმოთ, ჩავრთოთ ბლუთუზი, გავააქტიუროთ აცრილი მხარე და დაველოდოთ... შევამოწმოთ და არ იჭერს, მამაო, არ იჭერს!"