"სიამაყით გიწოდებთ ჩვენს ძმებსა და დებს" - როგორ ულოცავს აშშ-ის საელჩო საქართველოს თავდაცვის ძალებს 30 წლის იუბილეს
აშშ-ის საელჩო საქართველოს თავდაცვის ძალების 30 წლის იუბილეს ეხმიანება და მისალოც ტექსტს აქვეყნებს:
"ხვალ საქართველოს თავდაცვის ძალები 30 წლის ხდება! ჩვენ მივესალმებით თავდაცვის ძალების უდიდეს ძალისხმევას გასული 30 წლის განმავლობაში დასავლური თავდაცვის რეფორმების მიღების, ნატოსთან თავსებადობის გაუმჯობესებისა და საქართველოს ტერიტორიული მთლიანობის დაცვის შესაძლებლობების გაზრდის კუთხით.
ჩვენ ვიხსენებთ 32 დაღუპული და 293 დაჭრილი ქართველი სამხედროს მსხვერპლს ერაყისა და ავღანეთის საერთაშორისო მისიებში და სიამაყით ვუწოდებთ საქართველოს თავდაცვის ძალებს ჩვენს ძმებსა და დებს ბრძოლაში.
მოუთმენლად ველით უსაფრთხოების საკითხებში ჩვენი თანამშრომლობის გაგრძელებას კიდევ მრავალი წლის განმავლობაში", - ნათქვამია განცხადებაში, რომელსაც საელჩო "ფეისბუქის" გვერდზე აქვეყნებს.
"ნიკა მელია თავისი ნებით ზის ციხეში, თავს იწვალებს - "ნაცმოძრაობა" პარლამენტში შემოვა, ჭრიალ - ჭრიალით მოდიან" - ელისაშვილი
"მმართველმა პარტიამ ამ შემთხვევაში მოლოდინი არ გაამართლა" - რაზე საყვედურობს აშშ-ის საელჩო "ქართულ ოცნებას"?
