ჯანდაცვის მინისტრის, ეკატერინე ტიკარაძის განცხადებით, აღდგომის დღესასწაულზე რადიკალური, კატეგორიული შეზღუდვები არ იქნება.
მინისტრის ინფორმაციით, დაწესდება თუ არა დამატებითი შეზღუდვები, საბჭო ორშაბათს იმსჯელებს.
"ეპიდსიტუაციიდან გამომდინარე საუბარი იმასთან დაკავშირებით, რომ შეიძლება გარკვეული შეზღუდვები გაუქმდეს, რა თქმა უნდა, სიმართლეს არ შეესაბამება. ვინაიდან ჩვენ ვიმყოფებით ახლა ისეთ სტადიაზე, როდესაც ველოდებით მესამე ტალღის პიკურ მაჩვენებელს.
მიმდინარეობს მსჯელობა იმასთან დაკავშირებით, თუ რა დამატებითი ღონისძიებები შეიძლება გატარდეს იმისთვის, რომ ეპიდსიტუაცია უკეთესად ვმართოთ ლოკალურ დონეზე და საბჭო ამასთან დაკავშირებით იმსჯელებს ორშაბათს, კოვიდსაბჭოს ფორმატში, რომელიც პრემიერის დაქვემდებარებაშია.
ჩვენ ღრმად ვართ დარწმუნებული, რომ როგორც შარშან, ეკლესიის მხარდაჭერა იქნება ძალიან აქტიური. აქედან გამომდინარე, დარწმუნებულები ვართ, რომ არ იქნება რადიკალური, კატეგორიული შეზღუდვები. თუმცა, ეს იქნება ღონისძიებების ზედმიწევნით დაცვა, რომელიც ჩვენი მოსახლეობისთვის საეკლესიო ღონისძიებების ფორმატში უზრუნველყოფს სრულ უსაფრთხოებას ეპიდემიოლოგიური სიტუაციიდან გამომდინარე“, - განაცხადა ტიკარაძემ.
ბარემ ძალიანაც გინდათ სააღდგომოდ შეზღუდვების დაწესება, მაგრამ ერიდებით, რომ არ გამოჩნდეთ მართლმადიდებლობის მოწინააღმდეგედ!!!
ქართველი ხალხი დაგიფასებთ ამ სწორ გადაწყვეტილებას ქალბატონო ეკა, აღდგომის ბრწყინვალე დგესასწაული განსაკუთრებულია ყველა ჩვენთაგანისთვის, გმადლობთ. უფალი ჰფარავდეს საქართველოს