ტელეწამყვანი და მოდელი ლიკა ევგენიძე ნიკოლოზ ბასილაშვილის ისტორიული გამარჯვების შემდეგ სოციალურ ქსელში გავრცელებულ ნეგატიურ პოსტებს ეხმაურება.
ქართველმა სპორტსმენმა ლეგენდარული ჩოგბურთელი, როჯერ ფედერერი დაამარცხა, რაც ჩვენი ქვეყნისთვის უდავოდ საამაყო მოვლენაა, თუმცა საზოგადოების ნაწილს, სპორტსმენის ოჯახური სკანდალები უფრო აინტერესებს და მისი ყოფილი ცოლის ინტერესების დამცველები, სასამართლოს საბოლოო განაჩენამდე, ჩოგბურთელს მოძალადედ რაცხავენ.
არაადეკვატური მხარდამჭერები არც ნიკოლოზ ბასილაშვილს აკლია - ჩოგბურთელის წარმატებით აჟიტირებულები, მისი ყოფილი ცოლის მისამართით ცინიკურ კომენტარებს წერენ.
"გაოგნებული ვკითხულობ ბასილაშვილის გამარჯვებაზე გამოხმაურებებს... რანაირად გადაიზარდა მისი გამარჯვება, მისი ყოფილი ცოლის დაცინვაში?! განსაკუთრებით გულის ამრევია ქალების მხრიდან ქალის ჩაგვრის სურვილი. ყველაფერში არაადეკვატურები რატომ ვართ?! ბასილაშვილის გამარჯვება კი ნამდვილად გასახარია", - წერს ლიკა ევგენიძე.
ცნობისთვის დოჰას 250-ქულიანი ტურნირის მეოთხედფინალურ ეტაპზე, ქართველი ნიკოლოზ ბასილაშვილი შვეიცარიელ ლეგენდას, როჯერ ფედერერს დაუპირისპირდა და გამარჯვება მოიპოვა. პირველი სეტი ფედერერის გამარჯვებით დასრულდა, თუმცა ნიკოლოზმა მეორე სეტში გაათანაბრა და მესამე სეტიც მისი გამარჯვებით დამთავრდა. საბოლოოდ, ანგარიში სამ სეტში ბასილაშვილის სასარგებლოდ - 3:6, 6:1, 7:5 დაფიქსირდა.
აი ამ უსაქმურს რაღა უნდა ნეტა, ყველგან რომ ეკვეხებიან, ოღონდ ხალხში გამოჩნდნენ.
კომენატრებიდან შინაარსიც ვერ გამოაქვს, ცარიელი თავთავი!....
მის ცოლს დასაცინი რა სჭირს, თვეში 10 000 ლარი არ იკმარა და გრანტიჭამია პატარაიებსა და ვაიადვოკატებს აყოლილმა კიდევ უფრო ბევრი მოისურვა. ქალს ყოველთვის აქვს საშუალება იმისა რომ ქმარი ძალადობაში დაადანაშაულოს, რადგან სუსტი სქესის წარმომადგენელია, არადა ინტრიგების ხლართვაშია მისი სიძლიერე. მომკალი და არ მჯერა რომ ნიკოლოზ ბასილაშვილი ცოლს სცემდა. თუ ადრე სცემდა და გაცილდა, ახლა რაღა უნდა? თუ ახლაც სცემს, სად და როდის? ეს არავინ უნდა იკითხოს? დარწმუნებული ვარ ვერ გადაყლაპა მისი წარმატებები და კიდევ ის რომ სხვა ქალი ყავს. ბავშვზე აპელირებით და ვითომდა მასზე ძალადობით, რაც აბსურდია და არ მტკიცდება, მოისურვა დიდი ფულის შოვნა, რაშიც არასამთავროები და ადვოკატიც საკმაოდ დიდ წილში უზიან. აი ესაა სიმართლე ქ-ნო ლიკა და ნუ იქნებით მარტო ერთი მხარის მოსარჩელე. კარგი ქალბატონი ბრძანდებით და ე.წ. "მადამ დე პამპადურებს" (ცოტა დაუკლდება) ნუ გამოექომაგებით დაუდასტურებელი ფაქტების გამო.
ნიკას კი წარმატებებს ვუსურვებ დიდ სპორტში და პირად ცხოვრებაში. რაც შეეხება შვილს, მას არაფერი აკლია და იმაზე გაცილებით მეტი აქვს ვიდრე სხვა ბავშვებს.