ტრაგედია მარნეულში - ახალგაზრდა ცოლ-ქმარი და მათი მცირეწლოვანი შვილი, სავარაუდოდ, გაზით გაიგუდნენ

მარნეულში ადგილობრივებმა ოჯახის 3 წევრი გარდაცვლილი იპოვეს. ახალგაზრდა ცოლ-ქმარი და მათი მცირეწლოვანი შვილი, სავარაუდოდ, გაზით ინტოქსიკაციის შედეგად დაიღუპნენ.

როგორც AMBEBI.GE-ს შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 240-ე პრიმა მუხლის მესამე ნაწილით მიმდინარეობს, რაც გულისხმობს ელექტრო, ან თბოენერგიის, გაზის, ნავთობის, ან ნავთობპროდუქტის ობიექტზე უსაფრთხოების წესების დარღვევას, რასაც ორი ან მეტი ადამიანის სიცოცხლის მოსპობა მოჰყვა.