შიდა ქართლის სამხარეო პოლიციის უფროსად დაინიშნა ილია კვაღინიძე, რომელიც, რიგი მედიასაშუალებების მტკიცებით, კუდის თანამშრომელი იყო და 2012 წლამდე ოპოზიციის, განსაკუთრებით კი "ქართულ ოცნების" კონტროლი და მეთვალყურეობა ევალებოდა.
ვებპორტალი qartli.ge აქვეყნებს ფოტოებს, რომელზეც, მათი მტკიცებით, კვაღინაძე სწორედ ოპოზიციის მეთვალყურეობის დროსაა აღბეჭდილი.
ამ ინფორმაციებს „ფეისბუქის“ პირად გვერდზე ეხმაურება სამხარეო პოლიციის უფროსი და წერს:
"დღეს სხვადასხვა მედიასაშუალების მხრიდან ვრცელდება გადაუმოწმებელი და მცდარი ინფორმაცია ჩემ შესახებ, მათ შორის ვრცელდება სხვადასხვა ფოტოსურათი, რაზეც მტკიცებით ფორმაში საუბრობენ, რომ მე ვარ. მინდა აღვნიშნო, რომ მხოლოდ ერთ ფოტოზე ვჩანვარ, რომელიც გადაღებულია ჩემი მეგობრის სახლის აივანზე.
ასევე, ვრცელდება ცრუ ინფორმაცია, თითქოსდა მე ვმუშაობდი კონსტიტუციური უსაფრთხოების დეპარტამენტში. ხაზგასმით აღვნიშნავ, რომ ჩემი 16-წლიანი კარიერის განმავლობაში არასდროს მიმუშავია აღნიშნულ დეპარტამენტში. რაც შეეხება ბრალდებას, თითქოს და მე "ვატერორებდი“ რომელიმე პოლიტიკური პარტიის წარმომადგენლებს, ასევე არის ტყუილი.
თუკი სადმე, რომელიმე პოლიტიკური პარტიის აქციაზე ვყოფილვარ, ეს განპირობებული იყო მხოლოდ და მხოლოდ საზოგადოებრივი წესრიგის დაცვის მიზნით".
აუფ, ახალი ამბავი. "ოცნების' ძირითადი მასა პორტირებული გნაცები არაა, აბა ვინაა?
და მერე რა ჯარშიც ეგრე არ არის კალმახელიძე ყოფილი ზონდერი დღეს დასავლეთ სარდლის მოადგილეა და ამერიკაში გააგზავნეს და საერთოდ ნაციონალები არიან ჯარში ყველა თანამდებობაძე. იგივე ტერორში ყავთ საწყალი ჯარისკაცები რაც ადრე იყო ნაცების დროს.ამ ქვეყანას არაფერი ეშველება.