"ჩვენი ღიმილიანი იოანე გაფრინდა" - ბიჭი, რომლის გადასარჩენადაც უამრავი ადამიანი გაერთიანდა, გარდაიცვალა

იოანე კოხრეიძე პატარა ბიჭია, რომელსაც ორი წლის წინ უმძიმესი დიაგნოზი, ავთვისებიანი სიმსივნე - დიფუზიური გლიომა დაუდგინდა. მის გადასარჩენად მთელი საქართველო გაერთიანდა. სამწუხაროდ, იოანეს გადარცენა ვერ მოხერხდა და ბიჭუნას მხარდასაჭრად შექმნილ "ფეისბუქ" გვერდზე მისი გარდაცვალების შესახებ აქვეყნებენ ინფორმაციას.

"ჩვენი ღიმილიანი იოანე გაფრინდა... მადლობა ყველა თქვენგანს მხარდაჭერისთვის, სიყვარულისთვის, თითოეული გალამაზებული დღისთვის. ერთობლივი ძალისხმევით ჩვენმა ბიჭმა უამრავი სასიამოვნო ემოცია დაიგროვა ბოლო ორი წლის განმავლობაში და ჩვენც დაგვიტოვა სითბოთი და სიყვარულით სავსე მოგონებები", - ნათქვამია სოციალურ ქსელში გამოქვეყნებულ ინფორმაციაში.