"მონა, მონა", - ამ შეძახილებით საქართველოს პარლამენტთან სამოქალაქო აქტივისტები საპროტესტო აქციას მართავენ. მათ საკანონმდებლო ორგანოს ყველა შესასვლელთან "სირცხვილის კორიდორი“ აქვთ მოწყობილი.
სწორედ ამ შეძახილებისა და ე.წ. სირცხვილის კორიდორის ფონზე შედიან პარლამენტის შენობაში ახალი მოწვევის დეპუტატები.
როგორც აქციის მონაწილეები აცხადებენ, ისინი დარჩებიან პარლამენტის შენობასთან მე-10 მოწვევის პარლამენტის პირველი სხდომის პარალელურად.
აქციის მონაწილეების განცხადებით, ისინი 2020 წლის 31 ოქტომბრის საპარლამენტო არჩევნების შედეგებს აპროტესტებენ და აცხადებენ, რომ საქართველოში არჩევნები გაყალბდა. მათი თქმით, ამგვარ პროტესტს გააგრძელებენ იქამდე, ვიდრე არ დაინიშნება ვადამდელი საპარლამენტო არჩევნები.
აქციაზე აქტივისტებმა ყვავილები მიიტანეს და პარლამენტის შესასვლელთან დაყარეს. მათი თქმით, ეს არის იმის სიმბოლო, რომ "ქართული ოცნების" დეპუტატებს "უკანასკნელ გზაზე აცილებენ".
პარლამენტის შენობის შესასვლელებთან მობილიზებულია საპატრულო პოლიცია.
სიამაყით სავსე თავაწეულნი შევდივართ ამაყად !
გვიხარია საბჭოთა კავშირში დაბრუნება ! ჰიმნიც გვიყვარს !
გვიყვარს მონობაც ! ვაშა ბიძინას ბედნიერი დღე გაგვითენდა !
მართლაც რომ სირცხვილია და თანაც ჩვენი სირცხვილი, ხალხის სირცხვილი რომ ეს კაცისმკვლელები, სამშობლოს გამყიდველები, ყაჩაღები და არაადამიანები სხვას რომ სირცხვილის კორიდორს მოუწყობენ.