მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს ნივთები იყო დალომბარდებული და მათი გამოტანის საბუთებიც აქვთ" - ქუთაისში "ინტელექსპრესის" ქურდობის ფაქტზე დაკავებულები ბრალს არ აღიარებენ
17:24 / 02-12-2020
ქუთაისში, მიკროსაფინანსო ორგანიზაცია "ინტელექსპრესის" ქურდობის ფაქტზე დაკავებული პირები ბრალს არ აღიარებენ. როგორც დაკავებულების ადვოკატი არჩილ ნიჟარაძე აცხადებს, საქმეში მათი დანაშაულის დამადასტურებელი მტკიცებულება არ არსებობს.
"ჩემი დაცვის ქვეშ მყოფები ბრალს არ აღიარებენ. მიგვაჩნია, რომ წარდგენილ ბრალდებაში არიან უდანაშაულოები. არ არსებობს არცერთი მტკიცებულება, რაც დაადასტურებდა მათ ბრალეულობას. აუცილებლად გავასაჩივრებთ სააპელაციო სასამართლოში. ამოღებული თანხა, რომელიც არ არის დიდი ოდენობის და ძვირფასი ნივთები არის ოჯახის საკუთრება. ეს ნივთები იყო დალომბარდებული და მათი გამოტანის საბუთებიც აქვთ. იარაღები ნამდვილად მისია, რადგან ეს ადამიანი ხელოსანია. რაც შეეხება ნარკოტიკს, ის ჩაუდეს", - განაცხადა არჩილ ნიჟარაძემ.
მისი თქმით, დაკავებულებს აღმკვეთი ღონისძიების სახით ორთვიანი პატიმრობა უკვე შეეფარდათ.
შეგახსენებთ, რომ ქუთაისში, კომპანია „მისო ინტელექსპრესის“ საცავიდან ფულის და ოქროს ნივთების მოპარვის საქმეზე 2 პირი დააკავეს. შსს-ს ინფორმაციით, გამოძიებით დადგინდა, რომ ბრალდებულებმა მიმდინარე წლის 19 სექტემბერს, ქუთაისში, ილია ჭავჭავაძის გამზირზე, საცხოვრებელი კორპუსის სარდაფიდან იატაკის ამოჭრის გზით შეაღწიეს კომპანია „მისო ინტელექსპრესის“ ფილიალის საცავის ოთახში, სადაც, ლითონის საცავის კარის გაჭრით, ფარულად დაეუფლნენ თანხას და ოქროს ნივთებს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
გასაკვირია ადვოკატის სიტყვები-მისი ოჯახის იყოო და გამოტანის საბუთიც აქვსო- მაშინ რაში დასჭირდათ კრიმინალური მეთოდით მიკროსაფინანსოში შეღწევა და მოპარვა? რა სისულელეებს ასწავლით ამ დამნაშავეებს,იმისათვის რომ თავი გაიმართლონ!