"გიორგის მამა კარგად არის, ცრუ ინფორმაცია გავრცელდა, ბებია კი, სამწუხაროდ, გარდაიცვალა" - რას აცხადებს გიორგი შაქარაშვილის ოჯახის ახლობელი
სოციალური ქსელით გავრცელდა ინფორმაცია, რომ 19 წლის მოკლული ფეხბურთელის, გიორგი შაქარაშვილის მამა, ლევან შაქარაშვილი მძიმედ, მეტიც, კომაში იყო, ბებია კი გარდაიცვალა. ეს ინფორმაცია გადავამოწმეთ ლევანის ბიძაშვილთან, ადვოკატ მირიან ნიკოლაძესთან, რომელმაც ეს ინფორმაცია არ დაადასტურა.
"ტყუილია ინფორმაცია, რაც გავრცელდა. ლევანი, საბედნიეროდ, კარგად არის. მადლობა ყველა ჟურნალისტს, ვინც ინფორმაცია გადაამოწმა ოჯახთან. ლევან შაქარაშვილი გახლავთ სრულიად ჯანმრთელი, იმყოფება სახლში, დადის სამსახურში და შესაბამისად, ინფორმაცია მისი ჯანმრთელობის მძიმე მდგომარეობის შესახებ არასწორია, თუმცა, სამწუხაროს, ბებია მართლაც გარდაიცვალა. მადლობა ყველა გულშემატკივარს, რომელიც ღელავს ამ ოჯახის ჯანმრთელობაზე, მოკითხვისა და თანადგომისთვის მადლობა ყველას", - გვითხრა მირიან ნიკოლაძემ.
რამდენ ხანს შეიძლება გაჰყვეს ადამიანს იმუნიტეტი კოვიდის გადატანის შემდეგ? - "მძიმე პაციენტებს უფრო ხანგრძლივი იმუნიტეტი დაუდგინდათ"
„დისტანციური სწავლების მართვის სახელმძღვანელო“ მალე სკოლის ხელმძღვანელებისთვის ხელმისავწდომი იქნება
