უნდა დააკავონ თუ არა ნიკა მელია ელექტრონული სამაჯურის მოხსნის გამო? - ირაკლი კობახიძის პასუხი
ჩვენ უნდა დავამარცხოთ ნიკა მელია ყოველგვარი სამართლებრივი ზომების გარეშე,- ამის შესახებ "ქართული ოცნების" აღმასრულებელმა მდივანმა ირაკლი კობახიძემ განაცხადა, რითაც ნიკა მელიას მიერ ელექტრონული სამაჯურის მოხსნას გამოეხმაურა.
მისი თქმით, ეს არა მხოლოდ სამართალდარღვევა, არამედ მძიმე პროვოკაციაა.
"სამართალდარღვევასთან ერთად კიდევ უფრო მძიმეა, რომ ეს არის ძალიან მძიმე პროვოკაცია. როცა ამ ასაკის კაცი მუდმივად გამოირჩევა პროვოკაციებით, ეს ძალიან მძიმედ მეტყველებს ბუნებრივია მასზე და მის თვისებებზე", - განაცხადა კობახიძემ.
კითხვაზე, უნდა დააკავონ თუ არა მელია, კობახიძე ამბობს, რომ ეს სამართალდამცავი ორგანოების კომპეტენციაა, თუმცა მისი დაკავება პოლიტიკურად სწორი არ იქნება.
"თუმცა, პოლიტიკურად ეს არ იქნებოდა სწორი, ჩვენ უნდა დავამარცხოთ ნიკა მელია ყოველგვარი სამართლებრივი ზომების გარეშე, ამის შემდეგ რა ზომები მიიღება სამართლებრივად ეს არის სხვა საკითხი, მაგრამ პოლიტიკურად არ მგონია მიზანშეწონილი", - განაცხადა კობახიძემ.
ოპოზიცია აქციის მონაწილეებს დაშლისკენ, 9 ნოემბერს კი კვლავ რუსთაველის გამზირზე შეკრებისკენ მოუწოდებს
"შტურმის მოთავეები არიან ნიკანორ მელია და მისი ზონდერ ჯგუფები,,,ვაფრთხილებთ მათ, კანონის მთელი სიმკაცრით აგებენ პასუხს" - ირაკლი კობახიძე
