დაავადებათა კონტროლის ეროვნული ცენტრის თანამშრომელს კორონავირუსი დაუდასტურდა

დაავადებათა კონტროლის ეროვნული ცენტრის თანამშრომელს კორონავირუსი დაუდასტურდა. როგორც ცენტრში აცხადებენ, ინფიცირებული თვითიზოლაციაში იმყოფებოდა და სხვა პირებთან კონტაქტი არ ჰქონია.

მათივე განცხადებით, ყველა თანამშრომელს ტესტირება პერიოდულად, დადგენილების მიხედვით უტარდება და ამ კონკრეტულ ფაქტთან კავშირი არ აქვს.

ცნობისთვის, მედიაში გავრცელებული ინფორმაციით, ინფიცირებულს დაავადებათა კონტროლის ეროვნული ცენტრის დაახლოებით 50 თანამშრომელთან ჰქონდა შეხება. ამ დროისთვის ყველა კონტაქტი გამოკვლეული და დატესტილია, მათ შორის ტესტი ჩაუტარდა ამირან გამყრელიძესაც. არცერთ კონტაქტს კორონავირუსი არ დაუდასტურდა.