საქართველოში კორონავირუსით 34-ე ადამიანი გარდაიცვალა - პაციენტი საჩხერის საავადმყოფოში მკურნალობდა

საქართველოში კორონავირუსით დღეს უკვე მეორე, 34-ე პაციენტი გარდაიცვალა. ინფორმაცია stopcov.ge-ზე გამოქვეყნდა. პაციენტი საჩხერის საავადმყოფოში გარდაიცვალა.

საქართველოში ჯამში კორონავირუსით ინფიცირებული 34 პაციენტია გარდაცვლილი.

ბოლო 24 საათში საქართველოში კორონავირუსის 314 ახალი შემთხვევაა, რაც პანდემიის დაწყების შემდეგ ყველაზე მაღალი მაჩვენებელია. ინფიცირებულთა საერთო რიცხვი 5866-მდე გაიზარდა.

ბოლო 24 საათში საქართველოში კორონავირუსისგან განიკურნა 270 პაციენტი. ეს პანდემიის დაწყების შემდეგ გამოჯანმრთელების ყველაზე მაღალი მაჩვენებელია.

სულ გამოჯანმრთელებულია 2324.

თებერვლიდან საქართველოში კორონავირუსით დაინფიცირდა 5866 ადამიანი.