"საპანიკო და საგანგაშო არაფერია, ეს ყველაფერი საყურადღებოა და აუცილებელია წესების დაცვა“, - ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ ბრიფინგზე განაცხადა, სადაც აჭარის რეგიონში შექმნილ ეპიდემიოლოგიურ ვითარებაზე ისაუბრა.
ამირან გამყრელიძემ იმ პირებს, ვისაც საკონდიტრო "დონაში" ყოფნის ისტორია აქვს, მოუწოდა, იმ შემთხვევაში თუ თავს იჩენს სიმპტომები, დაუყოვნებლივ მიმართონ 112-ს.
"ბათუმის ჩაკეტვაზე საუბარი არ არის, ჩვეულებრივი გაგრძელდება ცხოვრება. ერთადერთი ბათუმში გაფართოებული ტესტირება იქნება.
დღეს დილიდან დაემატება კიდევ ერთი კარავი, სადაც უფასო ტესტირება იქნება შესაძლებელი, ასევე 5 პოლიკლინიკა იწყებს ამბულატორიულ ტესტირებას. ჩვენი სიმძლავრეებია ბათუმში, დღეში 1600-1800 ტესტი ჩატარდეს ყოველდღიურად კორონავირუსზე. ჩვენი სამი ლაბორატორია მუშაობს, ამასთან, თუ საჭირო გახდა, დაეხმარება იმერეთის და სამეგრელოს შესაბამისი სამედიცინო სამსახურები. გაფართოებულ ტესტირებას ალტერნატივა არ აქვს.
მოწოდებაა, ბოლო 2 კვირის განმავლობაში, ვინც იყო „დონაში“, მივიდნენ და ანაზღაურების გარეშე ჩაიტარონ ტესტირება. ამასთან, საჭიროა თითოეულმა მათგანმა აწარმოოს თვითმონიტორინგი.
დავაკვირდეთ განსაკუთრებით 3-8 დღეებს შორის პერიოდს, ამ პერიოდში თუ ჩნდება სიმპტომი - ტემპერატურა, ხველა, სუნთქვის გაძნელება, აუცილებელია დაუკავშირდეთ 112-ს და ჩავიტაროთ გამოკვლევა.
ამასთან, მოვუწოდებთ, მათ ვინც თბილისში ჩამოვიდა ბათუმიდან და ისტორიაში აქვს "დონაში" ყოფნა, აუცილებლად აწარმოონ თვითმონიტორინგი ",- განაცხადა ამირან გამყრელიძემ.
სვანეთი რატო იყო აბა საპანიკო,რატო ჩაკეთეთ?
სვანეთის მთელი რეგიონი 15 კაცზე ჩაკეტეს იმის ნაცვლად ერთი პატარა სოფელი რო ჩაეკეტათ და ბათუმი 22 ზე საპანიკო არაფერია