მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსეთი ყოველთვის უფრთხილდებოდა მეგობრულ კავშირებს ახლობელ ქართველ ხალხთან" - რას ამბობს ლავროვი საქართველოსთან სავიზო რეჟიმის გაუქმებასა და ავიამიმოსვლის აღდგენაზე
10:56 / 21-08-2020
რუსული გაზეთის "ტრუდის" («Труд») 21 აგვისტოს ნომერში სათაურით: "სერგეი ლავროვი: "პამდემიამ ევროკავშირში აზრობრივი პროცესები დააჩქარა", გამოქვეყნებულია რუსეთის საგარეო საქმეთა მინისტრ სერგეი ლავროვის ინტერვიუ, რომელშიც იგი ჟურნალისტ მიხეილ მოროზოვთან მრავალ საკითხზე საუბრობს - რუსეთის როლზე გაეროში, დასავლეთის მიერ გამოცხადებულ სანქციებზე, პოსტსაბჭოთა სივრცის სახელმწიფოებთან ურთიერთობაზე, კორონავირუსის პანდემიაზე...
ინტერვიუში სერგეი ლავროვი ეხება აგრეთვე სამხრეთ კავკასიაში შექმნილ სიტუაციას - სომხეთ-ზერბაიჯანის კონფლიქტს და რუსეთის ურთიერთობას საქართველოსთან.
გთავაზობთ ამონარიდს პუბლიკაციიდან:
- როგორია ჩვენს მეზობელთან - საქართველოსთან ურთიერთობის გაუმჯობესების პერსპექტივები?
- ბოლო თორმეტი წლის განმავლობაში რუსეთს და საქართველოს ერთმანეთთან აქვთ კავშირები, მაგრამ დიპლომატიური ურთიერთობების გარეშე. შეგახსენებთ, რომ მათი გაწყვეტა თბილისის ინიციატივით მოხდა, მიხეილ სააკაშვილის მთავრობის მიერ წამოწყებული სამხრეთოსური ავანტიურის შედეგად. ამასთანავე, რუსეთი მუდმივად გამოდის საქართველოსთან ურთიერთსასარგებლო და მეგობრული ურთიერთობების აღდგენისათვის. დარწმუნებული ვარ, რომ სწორედ ამაში გამოიხატება ორი ქვეყნისა და ხალხის ეროვნული ინტერესები, რომლებსაც საერთო ისტორია და კულტურა აქვთ, რომლებიც განმტკიცებულია ერთმანეთთან დაკავშირებული მილიონობით ადამიანების ბედით.
ჩვენ მთლიანად ვუჭერთ მხარს ალიანს "ქართული ოცნება - დემოკრატიული საქართველოს" მთავრობის მიერ 2012 წელს ინიცირებულ კურსს ორმხრივი ურთიერთობის ნორმალიზების შესახებ. ჩვენი მიზანდასახულობა ასეთია - რაც მეტი ნორმალიზება იქნება, მით უკეთესია. ამ თვალსაზრისით რუსეთის მხრიდან არანაირი შეზღუდვა არ არსებობს, მაგრამ ჩვენს ქართველ პარტნიორებს, რომელთა მიერ პერიოდულად ხდება ანტირუსული კარტის გათამაშება კონიუნქტურული მიზნებით, ამ საკითხში თანმიმდევრობა აშკარად აკლიათ.
თუმცა, ამის მიუხედავად, ცხოვრება თავისას აკეთებს. რუსეთს დღეისათვის მტკიცედ აქვს დაკავებული მეორე პარტნიორის პოზიცია საქართველოსთან საგარეო ვაჭრობის სფეროში (თურქეთის შემდეგ), საქონელთბრუნვის საერთო მოცულობა 1,33 მლრდ. დოლარს შეადგენს (2019 წლის მონაცემებით). სწორედ რუსეთის ბაზარზე ახდენს საქართველო თავისი ღვინის ორი მესამედის წარმატებით რეალიზებას. რუსეთი ასევე აგრძელებს ლიდერობას კერძო ფულად გზავნილების სფეროშიც (დაახლოებით 430 მლნ. დოლარი 2019 წელს). ჩვენს ქვეყნებს შორის არსებული კავშირების უფრო მეტად განმტკიცებას ხელს უწყობენ რუსი ტურისტებიც (1,5 მლნ. 2019 წელს).
2013 წლის ბოლოს რუსეთსა და საქართველოს შორის განახლდა რეგულარული საავტობუსო მოძრაობა, ხოლო 2014 წლის ოქტომბრიდან - ავიამიმოსვლა. სადღეღამისო მუშაობის რეჟიმზე იქნა გადაყვანილი რუსეთ-საქართველოს საზღვარზე არსებული ერთადერთი სახმელეთო საკონტროლო-გამშვები პუნქტი "ზემო ლარსი". გააქტიურდა კონტაქტები კულტურის, სპორტის, მეცნიერების, რელიგიის, ბიზნესის სფეროებში. ამ ფონზე ჩვენ საქართველოს მოქალაქეებისათვის სავიზო რეჟიმის გაუქმების საკითხზეც კი დავიწყეთ მუშაობა. სამწუხაროდ, დაწყებულ დადებით დინამიკას ხელი შეუშალა თბილისში 2019 წლის ივნის-ივლისში მომხდარმა მოვლენებმა, როცა ქართველი ნაციონალ-რადიკალების მიერ მოწყობილი პროვოკაციის პასუხად, რუსეთის პრეზიდენტის ბრძანებულების თანახმად, საქართველოსთან საჰაერო მიმოსვლაზე დროებითი აკრძალვა იქნა შემოღებული. მინდა, იმედი მქონდეს, რომ საქართველოსთან ავიამიმოსვლის განახლება უახლოესი მომავლის საკითხია. ყურადღებით თვალს ვადევნებთ საქართველოში არსებულ სიტუაციას და, რა თქმა უნდა, ველოდებით სსანიტარულ-ეპიდემოლოგიური ვითარების ნორმალიზებას რეგიონში და მსოფლიოში, რეგულარული ავიარეისების განახლებას სხვადასხვა მიმართულებით.
იმედი გვაქვს აგრეთვე, რომ მალე განახლდება პანდემიის გამო შეწყვეტილი პოლიტიკური დიალოგი როგორც "აბაშიძე-კარასინის" ფორმატით, ასევე ჟენევის დისკუსიები... ვფიქრობ, უფრო აქტიურად უნდა იქნეს გამოყენებული შვეიცარიის საელჩოებში (მოსკოვსა და თბილისში) შექმნილი რუსეთისა და საქართველოს ინტერესების სექციების პოტენციალიც.
რუსეთი ყოველთვის უფრთხილდებოდა მეგობრულ კავშირებს მის ახლობელ ქართველ ხალხთან, რომელთანაც ჩვენ, ერთიან სახელმწიფოში (სხვადასხვა სახელით), არაერთი ასეული წლის განმავლობაში ვცხოვრობდით. დარწმუნებულნი ვართ, რომ არსებული უთანხმოების სწრაფი გადალახვა, ორმხრივი კავშირების აღდგენა და მათი სრულფასოვანი განვითარება პასუხობს ჩვენი ქვეყნებისა და ხალხების გრძელვადიან ინტერესებს“.
სიმონ კილაძე
მკითხველის კომენტარები /
117 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
აშკარად შაყირობს.
1795 წელს გვიღალატეს, ამოაჟუჟინეს ნახევარი თბილისი და გადააწვევინეს აღა-მაჰმად ხანს, მერე კი შეიწოვეს საქართველო. 1921 წელს ისევ შემოიჭრნენ, ტაო-კლარჯეთი თურქებს ჩააბარეს, სოჭი გადიფორმეს,ალავერდი სომხეთს მისცეს, საინგილო აზერბაიჯანელებს, იალბუზი კავკასიელებს. დაგვითესეს ავტონომიური ბომბები. ხოლო 90ებში გუდაუთის და ახალციხის ბაზებიდან აიარარებდნენ ძმათა მკვლელ ომს. ცეცხლის ხეწყვეტის ხელშეკრულება არ დაიცვეს და 30,000 მოქალაქე მოგვიკლეს, 300,000 სახლებიდან გამოყარეს. პრეზიდენტები გვიფეთქეს. მოაწყვეს სეპარატისტული რეგიონების პასპორტიზაცია. 2008ში ყველა რეგიონი დაგვიბომბეს, ძირძველი რეგიონები დამოუკიდებლად სცნეს... და ეხლა რაო? როგორ ვეპყრობითი ქართველ ერს? მართლა ცხვრები ვგონივართ!!!!! არ დაუშვათ უვიზო რეჟიმი. რბილი ძალა კიდევ უფრო დაგვყოფს და გადაგვაშენებს!!!