საქართველომ რუსეთს ცოლის მკვლელობისთვის ძებნილი გადასცა - რას წერს რუსული გამოცემა
რუსეთის გენერალურ პროკურატურაზე დაყრდნობით, გამოცემა "რია ნოვოსტი" ავრცელებს ინფორმაციას, რომ საქართველომ რუსეთს ადიღეის მკვიდრი გადასცა, რომელიც ცოლის სასტიკ მკვლელობაშია ბრალდებული. ადიღეელი სამართალდამცავების მტკიცებით, დანაშაული ა.წ. მარტში მოხდა, როდესაც ცოლ-ქმარს შორის დაწყებული კონფლიქტი მკვლელობით დასრულდა. გამოძიების ინფორმაციით, ჩხუბის დროს, არარატ ჟამკოჩიანმა მეუღლეს რკინის მილით, თავის არეში დაზიანებები მიაყენა, შემდეგ კი დანით სასიკვდილოდ დაჭრა. ქალი ადგილზე გარდაიცვალა, დამნაშავე კი მიიმალა. მასზე საერთაშორისო ძებნა გამოცხადდა.
"2020 წლის ივლისში, ბრალდებულის ადგილმდებარეობის დადგენის შემდეგ, საქართველოს პროკურატურას რუსეთის გენრალურმა პროკურატურამ მისი გადაცემის თხოვნით მიმართა, რაც დაკმაყოფილდა. საქართველოს კომპეტენტურმა უწყებებმა განახორციელეს ბრალდებულის ექსტრადირება", - განაცხადეს რუსეთის გენპროკურატურაში. წყარო
თბილისში მამაკაცმა სცემა მაღაზიის მეპატრონეები, რომლებმაც მას ალკოჰოლური სასმელი ნისიად არ მისცეს
"გიორგი რურუას არ შევიწყალებ" - სალომე ზურაბიშვილი
