ქუთაისის "მართვეს" 19 წლის ფეხბურთელი ნინი გურგენიძე, რომელიც მძიმე სენს ებრძოდა, გარდაიცვალა
ქუთაისის "მართვეს" 19 წლის ფეხბურთელი ნინი გურგენიძე, რომელიც მძიმე სენს ებრძოდა, გარდაიცვალა. ინფორმაცია გუნდის "ფეისბუქის" გვერდზე გავრცელდა.
"საფეხბურთო სკოლა "მართვე" ქუთაისი ღრმა მწუხარებას გამოთქვამს , ქალთა საფეხბურთო კლუბის "მართვე" ქუთაისის ფეხბურთელის ნინო გურგენიძის გარდაცვალების გამო და, თანაუგრძნობს ოჯახის წევრებს გუნდელებს და მეგობრებს და სრულიად საფეხბურთო ოჯაახს !!! " - ნათქვამია ინფორმაციაში.
ნინი გურგენიძეს დაახლოებით ერთი წლის წინ იუნგის სარკომა დაუდგინდა. მას რამდენიმე ოპერაცია გაუკეთდა, ასევე ჩაუტარდა ქიმიოთერაპიის კურსი... მკურნალობისთვის ხარჯები საქართველოს ეროვნული ნაკრების ფეხბურთელმა ჯანო ანანიძემაც გაიღო, თუმცა გოგონას გადარჩენა ვერ მოხერხდა.
ნინი საქართველოს ორგზის ჩემპიონი იყო, სპორტის ყველაზე პოპულარულ სახეობას ბავშვობიდან თამაშობდა. კარიერა 12 წლის ასაკში ტყიბულის საფეხბურთო სკოლაში დაიწყო.
როგორც LELO.GE-ზე გოგონას შესახებ გამოქვეყნებულ ინფორმაციში ვკითხულობთ, იმ დროს 2000-2001 წელს დაბადებულ ვაჟთა მწვრთნელმა გოჩა გოგიჩაძემ სკოლის ერთადერთ ფეხბურთელ გოგონას მაქსიმალური მხარდაჭერა გამოუცხადა და გუნდის სრულუფლებიან წევრად აქცია.
ნინი მალევე ერთ-ერთ ლიდერად ჩამოყალიბდა, ამპლუით თავდამსხმელი საკმაოდ შედეგიანობით გამოირჩეოდა და გუნდს არაერთხელ დაეხმარა წარმატების მიღწევაში.
სხვადასხვა საფეხბურთო ტურნირებში ნინი რამდენჯერმე დასახელდა საუკეთესო მოთამაშედ.
"აგრო ფუდ ტრეიდი" ახალი სამოსავლო წლიდან მომხმარებელს უამრავ სიახლეს შესთავაზებს
თამარ ბაჩალიაშვილი იმ სკოლის წინ დაასვენეს, სადაც სწავლობდა ( ფოტო)
