მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქუთაისში ავარიას 23 წლის გოგონა ემსხვერპლა - "შეყვარებული შეესწრო ფაქტს... მალე დაქორწინებას აპირებდნენ"
15:53 / 23-06-2020
ქუთაისში ავტოსაგზაო შემთხვევას 23 წლის გოგონა ემსხვერპლა. შემთხვევა ახალგაზრდობის გამზირზე რამდენიმე დღის წინ მოხდა.
გავრცელებული ინფორმაციიით, დიდი სიჩქარით მოძრავი ავტომობილი ქვეითად მოსიარულე ანი გიორგაძეს დაეჯახა. დაშავებული საავადმყოფოში გადაიყვანეს, თუმცა მისი გადარჩენა ვერ მოხერხდა.
შემთხვევა მაშინ მოხდა, როცა გოგონა შეყვარებულთან ერთად გზის გადაკვეთას ცდილობდა, ამ დროს კი ავტომობილი დაეჯახა. წყვილს ცოტა ხნის წინ ნიშნობა ჰქონდა და მალე დაქორწინებასაც აპირებდნენ.
AMBEBI.GE გარდაცვლილი ანი გიორგაძის მეგობარს დაუკავშირდა მომხდარის დეტალების გასარკვევად:
- ერთად იყვნენ, მისი შეყვარებული შეესწრო ამ ფაქტს... ის ბიჭი კარგადაა, თუ შეიძლება ასე ითქვას, მისი მდგომარეობიდან გამომდინარე. როგორც ვიცი, სახლში იმყოფება. ცოტა ხნის წინ ნიშნობა ჰქონდათ და მარხვის დასრულების შემდეგ დაქორწინებას აპირებდნენ" - გვითხრა გარდაცვლილის მეგობარმა.
ანი გიორგაძე ფარმაცევტი იყო და ქუთაისში ერთ-ერთ აფთიაქში მუშაობდა. უყვარდა მოგზაურობა და ხშირად სტუმრობდა საქართველოს სხვადასხვა კუთხეს. გოგონას გარდაცვალებას ახლობლები სოციალურ ქსელში გამოეხმაურნენ:
"ძალიან მეტკინა გული. უზომოდ მენანები, შენნაირი სუფთა და კეთილი ადამიანები არ უნდა იღუპებოდნენ"
"ჩვენი ანი... ჩვენს მეხსიერებაში მუდამ იქნება, ხოლო მარადიულ ცხოვრებაში უფალმა მისი უკვდავი სული ზეციურ საქართველოში დაამკვიდროს"
"გუშინ შევესწარი ამ ტრაგედიას, თბილისში მივდიოდი და ქუთაისის გასასვლელთან მოხდა... 5 წუთის მომხდარიც არ იქნებოდა. საშინელი სცენა იყო, თვალებიდან არ ამომდის. თავის ტრავმა ქონდა... ნათელი მის ლამაზ სულს, როგორ მეგონა რომ გადარჩებოდა"
"მთელი დღეა შენს ფოტოებს ვათვალიერებ. ნუთუ მარტო ესენი დაგვრჩება შენგან? არ მჯერა, ვერ წარმომიდგენიხარ იმ შავი ხის შიგნით თუ შენ ხარ. ვერ დავიჯერებ, არ მინდა! ვის მივაკითხავ მარტოობა რომ შემომიტევს და მოვიწყენ? არ მჯერა, ანის რომ დავიკივლებ აივანზე, შენ აღარ გამოანათებ სახლიდან. ჩემი მომცინარი გოგო იქნები სულ, არ მინდა დაჯერება, ეს რეალობა არ არის, არა!" - წერენ გარდაცვლილი გოგონას მეგობრები და ახლობლები "ფეისბუქზე".
როგორც ცნობილია, მძღოლს, რომელიც ქვეითად მოსიარულე ანი გიორგაძეს დაეჯახა, შემთხვევის ადგილი არ მიუტოვებია. გარდაცვლილი გოგონას მეგობარი AMBEBI.GE-სთან ამბობს, რომ მძღოლი არ დაუკავებიათ, რადგან მომხდარში მისი ბრალეულობა არ გამოიკვეთა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
ერთი თვის წინათ ჩავედი ქუთაისში და პიონერთა პარკთან რო ზებრაა მანდ მომიწია გადასვლა. არანაირი დათმობა პირდაპირ ზებრაზე კინაღამ დამეჯახა მანქანა გადასვლისას და გადმოსვლისას სხვა მანქანა. ვინც იცის რა ადგილია მიხვდება რო თითქმის სულ მოძრაობაა და უნდა დაგითმონ. მივმართავ ქუთაისის მერიას საპატრულოს და იმ უწყებებს ვინც ამაზე თვალს ხუჭავს: გაამკაცრეთ ჯარიმები წითელზე გასვლა და ზებრაზე არ დათმობა უნდა იყოს მინიმუმ 500 ლარიანი ჯარიმები ხალხო. მე მეგონა თბილისში დადიოდნენ ქაოტურად და ქუთაისი უარესია. გადაისინჯოს ყველა მართვის მოწმობა რომელთაც ადრე აქვთ ფულით აღებული. მოსიარულე მკვლელები დადიან ქუჩაში საჭესთან. თუ ვინმე ვერ ჩააბარებს ნუ ივლის მანქანით. ბრიტანეთში 94 წლის კაცმა აიღო მართვის მოწმობა. გადმოსვით საჭიდან მკვლელები სანამ ჩვენ და ჩვენ შვილებს შეიწირავენ მსგავსად ამ საწყალი გოგოსი
არ უთმობენ ზებრაზე ქვეითებს თითქმის არსად. მეორე საკითხია შენ რო დაუთმობ ორზოლიან ხაზში და შენს გვერდით მომავალი მკვლელი მანქანაა ყოველი მეორე. რაღაც უნდა მოვიმოქმედოთ. ვიდეო კამერები უნდა დაიდგას ყველა ზებრასთან და ნუა ზებრები წაშლილი რო არ ჩანს. ქვეითის გაუტარებლობაზე იყოს მინიმუმ 500 ლარი ჯარიმა. და ის ქვეითები რომლებიც ასევე გადადიან შუა ქუჩაში არა ზებრაზე და ამ დროს ზებრა იქვეა მარა არ გადადის(ფეხზე კიდია) იგივე თანხით დაჯარიმდნენ. მინიმუმ 500 ლარით. აბა ნახეთ თუ არ შემცირდება სიკვდილიანობა.