შინაგან საქმეთა მინისტრის მოადგილის ვლადიმერ ბორცვაძის თქმით, საგანგებო მდგომარეობის პერიოდში პოლიცია 24 საათის განმავლობაში, შეუჩერებლად მუშაობდა და უწყებამ მაქსიმუმი გააკეთა, რომ COVID-ის წინააღმდეგ ეფექტი მიეღო.
"რაც შეეხება პოლიციის რესურსების დაზოგვას "კომენდანტის საათის" დროს, ჩვენ საგანგებო მდგომარეობის მოქმედების პერიოდში, გარდა იმისა, რომ ვახორციელებდით კრიმინალთან ბრძოლასა და პრევენციულ ღონისძიებებს, დაგვემატა ის რეგულაციები, რაც თან ახლდა საგანგებო მდგომარეობას.
შესაბამისად, ვერ ვიტყვით, რომ ჩვენ ძალები დავზოგეთ. 24 საათიან რეჟიმში მუშაობდნენ ჩვენი პოლიციელები. იყო მაგალითები, როცა ჩვენს თანამშრომელს შვილი შეეძინა მორიგეობის დროს, მაგრამ რამდენიმე კვირის მანძილზე ჩვენმა თანამშრომელმა შვილი ვერ ნახა, რადგან ის ასრულებდა სამსახურებრივ მოვალეობას.
ჩვენ ვერ ვიტყვით, რომ რესურსები დავზოგეთ. პირიქით ჩვენი შესაძლბელობების მაქსიმუმს ვიყენებდით, რომ covid-19-ის წინააღმდეგ ეფექტი მიგვეღო" - აღნიშნა ბორცვაძემ "იმედის" ეთერში.
