მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბოლო 24 საათში საქართველოში კორონავირუსით ინფიცირებულთა რაოდენობა 3-ით გაიზარდა
11:37 / 11-05-2020
საქართველოში კორონავირუსით ინფიცირების შემთხვევათა რაოდენობა ბოლო 24 საათში 3-ით გაიზარდა და 638 გახდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.
გამოჯანმრთელებულთა რაოდენობა კი 8-ით გაიზარდა და 317 გახდა.
კარანტინის რეჟიმშია 4896 ადამიანი, ხოლო სტაციონარში მეთვალყურეობის ქვეშ - 444 პირი.
ინფორმაციისთვის, 638 ადამიანიდან 317 გამოჯანმრთელებულია, ხოლო 10 გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.
ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურში მოთავსებულ კრიტიკულ პაციენტთან უკვე მეორე დღეა მდგომარეობის სტაბილიზირება მიღებულია, თუმცა პროგნოზზე ლაპარაკი ნაადრევია.
მისივე თქმით, კლინიკაში კორონავირუსით ინფიცირებული 2 ახალი პაციენტი მოათავსეს, ორივე თეთრიწყაროს კლასტერს უკავშირდება.
ამასთან, მისივე განმარტებით, ბოლო 24 საათში კორონავირუსით ინფიცირების სამი ახალი შემთხვევიდან, ყველა თეთრიწყაროს კლასტერიდანაა და სამივე საკარანტინო სივრცეში იყო.
„ამ ეტაპზე ჩვენ გვყავს 41 დადასტურებული შემთხვევა, გუშინ გამოჯანმრთელდა ერთი და უკვე 87 გამოჯანმრთელებული პაციენტი გვყავს, რომელმაც დატოვა ჩვენი კლინიკა. ერთი კრიტიკული პაციენტი, რომელიც გვყავდა, დღეს შეიძლება ითქვას, რომ მასთან მეორე დღეა მდგომარეობის სტაბილიზირება მიღებულია, მაგრამ ჯერ პროგნოზზე ლაპარაკი არ შეიძლება იმიტომ, რომ თუ ეს სტაბილიზირება ასე გაგრძელდა რამდენიმე დღე, მერე შეგვიძლია ვილაპარაკოთ შემდგომ გამოსავალზე. დაგვემატა კიდევ 1 პაციენტი მძიმე პნევმონიით და გვყავს 2, მათთან დაავადების პროგრესირება არ შეიმჩნევა ბოლო 24 საათის განმავლობაში”, - განაცხადა ეზუგბაიამ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
