საქართველოსა და რუსეთის მოქალაქეებს, რომლებსაც სურვილი ექნებათ სამშობლოში დაბრუნების, არანაირი შეზღუდვები არ ექნებათ - ზურაბ აბაშიძე
"საქართველოსა და რუსეთის მოქალაქეებს, რომლებსაც სურვილი ექნებათ სამშობლოში დაბრუნების, არანაირი შეზღუდვები არ ექნებათ", - ამასთან დაკავშირებით "ინტერპრესნიუსს" პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ განუცხადა.
მისი თქმით, საქართველოს მოქალაქეები, რომლებიც იმყოფებიან რუსეთში, ან პირიქით, რუსეთის მოქალაქეები, რომლებიც იმყოფებიან საქართველოში, სურვილის შემთხვევაში, შეეძლებათ სახმელეთო ან საჰაერო მარშრუტით დაბრუნდნენ საკუთარ ქვეყანაში.
"პრემიერ-მინისტრის დავალებით დავუკავშირდი გრიგორი კარასინს და განვიხილეთ საკითხი დღეიდან საქართველოსა და რუსეთს შორის, ორი ქვეყნის მოქალაქეების გადაადგილების დროებით შეჩერების შესახებ. საუბრის დროს ითქვა, რომ საქართველოსა და რუსეთის მოქალაქეებს, რომლებსაც სურვილი ექნებათ სამშობლოში დაბრუნების, არანაირი შეზღუდვები არ ექნებათ. ანუ საქართველოს მოქალაქეები, რომლებიც იმყოფებიან რუსეთში, ან პირიქით, რუსეთის მოქალაქეები, რომლებიც იმყოფებიან საქართველოში, თუკი მათ სურვილი ექნებათ, შეეძლებათ, სახმელეთო ან საჰაერო მარშრუტით დაბრუნდნენ საკუთარ ქვეყანაში", - განაცხადა ზურაბ აბაშიძემ.
მისივე განცხადებით, შეზღუდვები არ გავრცელდება სატვრითო გადაზიდვებზე.
ჩინეთის CDC-ის დირექტორის თქმით, ინფორმაცია, თითქოს მან აღიარა, რომ "კოვიდის" საწინააღმდეგო ჩინური ვაქცინები ნაკლებეფექტიანია, "სრული გაუგებრობაა"
"ქვეყნის "რადიკალი მყვირალები“ ამ საკითხს გაურკვევლობას მატებენ" - რას აცხადებს კარასინი საქართველოსთან ავიამიმოსვლის აღდგენაზე
