შინაგან საქმეთა სამინისტროს საპატრულო პოლიციის დეპარტამენტის და დაავადებათა კონტროლის ეროვნული ცენტრის თანამშრომლებმა, ერთობლივი მონიტორინგის შედეგად, ქუთაისში, ბათუმსა და მარნეულში თვითიზოლაციის წესების დაარღვის ფაქტზე სამი პირი გამოავლინეს. ამის შესახებ ინფორმაციას შსს ავრცელებს.
მათივე ცნობით, მოქალაქეები, რომლებმაც თვითიზოლაციის წესები დაარღვიეს საკარანტინო ზონაში გადაიყვანეს.
„თვითიზოლაციაში მყოფი მოქალაქის მიერ დადგენილი წესების დარღვევის შემთხვევაში, საზოგადოებრივი ჯანმრთელობის სამსახურის (NCDC) გადაწყვეტილების შესაბამისად, პოლიცია უზრუნველყოფს პირის იძულებით კარანტინში მოთავსებას.
შეგახსენებთ, რომ საქართველოს ტერიტორიაზე მყოფი ყველა პირი ვალდებულია დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს და პატივი სცეს საზოგადოებრივი ჯანმრთელობის სამსახურის გადაწყვეტილებებს.
შინაგან საქმეთა სამინისტრო, დაავადებათა კონტროლის ეროვნულ ცენტრთან ერთად, კორონავირუსის გავრცელების პრევენციის მიზნით, თვითიზოლაციაში მყოფი მოქალაქეების მონიტორინგს საქართველოს მასშტაბით აქტიურად აგრძელებს“, - აღნიშნულია უწყების მიერ გავრცელებულ ინფორმაციაში.
რამდენად გამოყეყეჩებული უნდა იყო ადამიანი, რომ საკუთარი ახლობლების სიცოცხლეს საფრთხე შეუქმნა. ეს ხალხი შემოგზავნილია, მგონია. თუ არ უნდათ მკურნალობა, მაშინ დავუწესოთ იძულებითი იზოლაცია, რათა არც სხვებს ავნონ და არც საკუთარ უტვინო თავს.
ამ საცოდავ საპატრულო პოლიცია თავის საქმეს ძვლივს აკეთებს ახლა კიდე ეს საქმე მიუმატეს