მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ალპებში აღმოაჩინეს ბაზა, საიდანაც რუსი აგენტები მკვლელობებს და საბოტაჟს გეგმავდნენ - როგორი სქემით მოქმედებდა ГРУ?
11:17 / 06-12-2019
საფრანგეთის ალპებში რუსეთის სამხედრო სადაზვერვო სამსახურის აგენტების ბაზა აღმოაჩინეს. ამის შესახებ ფრანგული გამოცემა Le Monde წერს.
გამოცემის ცნობით, სადაზვერვო სამსახურებმა 15 აგენტი გამოავლინეს და ყველა მათგანი ГРУ-ს ელიტარული დანაყოფის, 29 155-ის წევრია. ბრიტანული, შვეიცარიული, ფრანგული და ამერიკული სადაზვერვო სააგენტოების მიერ ჩატარებული გამოძიების შედეგად დადგინდა, რომ ისინი 2014-2018 წლებში ალპებს, ზემო სავოიას რეგიონს, ევროპაში განხორციელებული საიდუმლო ოპერაციების ბაზად იყენებდნენ.
აგენტებს შორის არიან, ალექსანდრე პეტროვი და რუსლან ბოშიროვი, რომლებიც 2018 წელს ორმაგი აგენტის, სერგეი სკრიპალის მოწამვლის და მკვლელობის მცდელობის საქმეში ფიგურირებენ.
სწორედ სკრიპალის მოწამვლის საქმის შემდეგ დაიწყეს ერთობლივი შეტევა რუსეთის აგენტურაზე ბრიტანეთის, შვეიცარიის, საფრანგეთისა და აშშ-ის სადაზრვერვო სამსახურებმა.
საბოლოოდ, გამოძიებამ დაადგინა, რომ გარდა ზემოთ აღნიშნული მოწამვლის შემთხვევისა, ГРУ-ს რამდენიმე გავლენიანი აგენტი ფიგურირებს 2015-2016 წლებში მომხდარ სხვადასხვა მკვლელობისა და დივერსიული აქტის ორგანიზების საქმეშიც, თუმცა რუსეთი მსგავს ინციდენტებში მონაწილეობას უარყოფს.
აგენტები, როგორც წესი, ჯერ მიფრინავდნენ საფრანგეთის დიდ ქალაქებში, როგორებიცაა ნიცა და ლიონი, საიდანაც შემდეგ ალპებში, ზემო სავოიაში მიდიოდნენ. ზოგიერთი მათგანი საფრანგეთის ამ ნაწილს ხშირად „სტუმრობდა“, ხოლო დანარჩენები ერთხელ, ან ორჯერ იყვნენ ნამყოფები" - წერს Le Monde.
ისინი რჩებოდნენ რეგიონის სხვადასხვა ქალაქებსა და სოფლებში. მისიაზე წასვლამდე ამ ტერიტორიას ერთგვარ გასაჩერებელ, მოსაცდელ ადგილად იყენებდნენ.
Le Monde-ს ცნობით, დანაყოფ 29 155-ის საქმიანობა მოიცავდა საბოტაჟის მოწყობასა და მკვლელობების ორგანიზებას.
"ბოლო პერიოდში ევროპაში მომხდარი ყველა სასტიკი და საზარელი შემთხვევების მიღმა, სავარაუდოდ, სწორედ ეს დანაყოფი დგას", - ამბობს საფრანგეთის დაზვერვის მაღალჩინოსანი გამოცემასთან საუბრისას.
გამომძიებლებმა ვერ მოახერხეს აგენტების მიერ გამოყენებული მასალისა და იარაღის ამოღება, ამ დრომდე არც ადგილობრივი თანამონაწილეები არიან იდენტიფიცირებულნი.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
გამომძიებლებმა ვერ მოახერხეს აგენტების მიერ გამოყენებული მასალისა და იარაღის ამოღება, ამ დრომდე არც ადგილობრივი თანამონაწილეები არიან იდენტიფიცირებულნი - ზღაპარ იყო, ზღაპარ იყო
ჩვენთან საჭირო არ არის აგენტების შემოგზავნა,პარტიები აგენტებითაა სავსე.
2008-ში რუსებს 5 დღე,რომ გავუძელით მიკვირს, ამდენი გამყიდველის ფონზე.