ლონდონში პრინცი ჰარისა და მეგან მარკლის შვილის ნათლობის ცერემონიალი მიმდინარეობს, რომელიც მედიისთვის დახურულია. არჩის მშობლებს ამ დრომდე არც ნათლიების ვინაობა დაუსახელებიათ.
ნათლობის რიტუალზე დასასწრებად მივიდნენ კემბრიჯის ჰერცოგი და ჰეცოგინიაც. პრინცი უილიამი და ქეით მიდლტონი ეკლესიამდე მანქანით მივიდნენ.
„დეილი მეილი“ წერს, რომ ტაძარში იმყოფებიან პრინცი ჩარლზი და კამილა პარკერიც - ისინი სხვა სტუმრებთან ერთად ნათლობაზე ვერტმფრენით ჩაფრიდნენ.
მეგანის და ჰარის გადაწყვეტილებამ, არჩის ნათლობა და მისი ნათლიების ვინაობა გაესაიდუმლოებინათ, ბრიტანელების გულისწყრომა დაიმსახურა - მოქალაქეები აცხადებენ, რომ სამეფო ოჯახისთვის მილიონობით ფუნტს იხდიან და ამიტომ, ჰარი ვალდებული იყო, შვილის ნათლობის შესახებ ინფორმაცია საჯარო ყოფილიყო.