მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბავშვები სამხედრო ფორმებით და იარაღით ხელში - აფხაზეთსა და რუსეთის სკოლებში აღლუმები ჩატარდა
14:37 / 10-05-2019
საცხრამაისოდ, "გამარჯვების დღესთან" დაკავშირებით რუსეთის რამდენიმე ქალაქში, მათ შორის პიატიგორსკში და ოკუპირებული აფხაზეთის რამდენიმე სკოლაში "სკოლამდელი ჯარის" აღლუმები ჩატარდა.
პიატიგორსკში 7 მაისს გამართულ აღლუმში 500-მდე ბავშვმა მიიღო მონაწილეობა, რომლებიც მოედანზე ტანკისტების, მფრინავების, მეზღვაურებისა და სამხედრო მოსამსახურეების კოსტიუმებით გამოვიდნენ. ამას გარდა, ბავშვებს ხელში სათამაშო იარაღები ეჭირათ.
აღნიშნულმა ფაქტმა, როგორც რუსეთში, ისე აფხაზეთში აზრი ორად გაყო. ერთ ნაწილს მიაჩნია, რომ ფაქტი ბავშვების ფსიქიკაზე უკიდურესად ნეგატიურად აისახება, რადგან ისინი ეჩვევიან იარაღს, ომს, სიკვდილს, განსაკუთრებით კი ისეთ რეგიონში, სადაც 25 წელია, არც ომია და არც მშვიდობა. სხვები კი თვლიან, რომ ასეთი მიდგომა “პატრიოტიზმს” ამაღლებს...
“ჩვენ ისედაც ომს ვუყურებთ ყოველდღე, რადგან თითო ოჯახში საკმარისი არსენალი ინახება და ამას ვიყენებთ ერთმანეთის მიმართ... ის რაც აფხაზური ტელევიზიების კადრებში ვნახე - სამხედრო ფორმებში ჩაცმული ბავშვები, რომლებიც ვითომ ფაშიზმზე გამარჯვებას ზეიმობდნენ, არის შეცდომა, რომელიც ვინმეს უნდა გაეპროტესტებინა..." - წერს ადგილობრივი იზა ღარცკია ინტერნეტში.
novayagazeta.ru-ს ცნობით, ორად გაიყო რუსეთში მშობლების აზრიც - ზოგმა შვილს აღლუმებში მონაწილეობა არ მიაღებინა, სხვებმა “საბავშვო კამუფლაჟებში“ გამოწყობილი შვილების უამრავი ფოტო ატვირთა ინტერნეტში.
“სამხედრო აღლუმის დახმარებით, ბავშვები უკეთესად გაიგებენ თავიანთი ქვეყნის ისტორიას, რადგან ადამიანს ადრეულ ასაკში სჭირდება იმის გააზრება, რომ ომის გარეშე მშვიდობას ვერ მოიპოვებს" - ამბობს ერთ-ერთი მშობელი.
ბავშვთა ფსიქოლოგის ელენა კუზნეცოვას თქმით, ლამის მთელ რუსეთში ჩატარდა “ამაზრზენი აღლუმი” და არავის უფიქრია, რას გამოიწვევდა ბავშვებში ომის რომანტიზება.
"ნორმალურ ქვეყნებში, მშობლები შვილებს გარკვეულ ასაკამდე საშინელებათა ჟანრის ფილმებსა და თამაშებს არიდებენ და ამ საქმეში ფსიქოლოგების ჯგუფებია ჩართული, რადგან იქ ყველა აცნობიერებს, როგორ აისახება ბავშვის ფსიქიკაზე ვირტუალური “სიკვდილთან თამაში”, იარაღი, სისხლისღვრა და ძალადობა. ჩვენთან ეს არ ესმით და მერე უკვირთ, რატომ ხდება ამდენი აგრესია, ძალადობა, მკვლელობა, სუიციდი, ან რატომ აქტიურობენ “სკინჰედები” ვითომ პატრიოტული მოტივებით...” - ამბობს ელენა კუზნეცოვა.
ფსიქოლოგი ამბობს, რომ ბავშვი თამაშით ვითარდება, მისი საზოგადოებაში სოციალიზება სწორედ ასე ხდება და თუ მას მშობელი და მასწავლებელი იარაღს ბაღის ასაკიდან დააკავებინებენ და შემდეგ ტაშს დაუკრავენ, კარგ შედეგს არ მოიტანს.
“როგორც გაირკვა, შარშანაც ჩატარებულა აღლუმი, დიდი ალბათობით, მომავალ წელს უფრო მასშტაბური იქნება... ეს იყო გასამხედროებული ზეიმი ლოზუნგით: "იქნებ კიდევ გავიმეოროთ?" ისედაც ამხელა აგრესია აქვს ჩვენს საზოგადოებას გარე სამყაროს მიმართ, სახელმწიფო პროპაგანდა იმდენად დიდია, მგონი საბჭოთა კავშირისას აჭარბებს - თითქოს მთელი მსოფლიო ჩვენი მტერია... ამ დროს კი ბავშვს აძლევ იარაღს, დგამ უნიჭო შოუს და ეუბნები, რომ შენი მამა-პაპაც ასე იბრძოდა მშვიდობისთვის და შენც იგივე უნდა გააკეთო...
მიუხედავად იმისა, რომ შოუ საბავშვო იყო და წესით, მშვიდობაზე უნდა ყოფილიყო ორიენტირებული, მასში ომის ელემენტები მეტი იყო... რა მოგვიტანა ამ იარაღის დემონსტრირებამ, რამდენად დაგვხია უკან, ცოტა თუ ხვდება...” - ამბობს ფსიქოლოგი.
9 მაისისთვის ჩატარებული სასკოლო აღლუმები გააკრიტიკა რუსეთის დუმის ოჯახის, ბავშვთა და ქალთა საკითხების კომიტეტის წარმომადგენელმა თამარა პლეტნევამ. მისი თქმით, ბავშვებისთვის იარაღის ასხმა საჭირო არ არის და შესაძლებელია, აღლუმზე ყვავილებით გამოსვლა.
მთავარ ფოტოზე - ოკუპირებული გალის რაიონის სოფელი ჭუბურხინჯი, ფოტო: დავით ჟვანია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
