ტყვეთა ბანაკებში დაღუპული მეომრების ახალი სია, რომელშიც შესაძლოა თქვენი წინაპარი აღმოაჩინოთ

მეორე მსოფლიო ომში უგზო-უკვლოდ დაკარგული მეომრების ძებნის ქერჩის კომისია AMBEBI.GE-ს ახალ სახელებსა და გვარებს აწვდის. კომისიის ხელმღვანელი ნატალია ძიუბა აღნიშნავს, რომ ეს მონაცემები ახლახან საველე სამუშაოების დროს იპოვეს და დააზუსტეს.

სხვადასხვა რუსულ საიტებზე ქართველი მეომრების შესახებ განსხვავებული ინფორმაცია იძებნება - ნაწილში ისინი დავრეტილად არიან მითითებულნი, ნაწილში უგზო-უკვლოდ დაკარგულად ირიცხებიან. კომისია სწორედ აღნიშნულ სიებს ადარებს ერთმანეთს და ქერჩის საიდუმლო სამხედრო არქივიდან დაზუსტებულ მონაცემებს გვაწვდის. პროცესი გრძელდება და ჩვენს მკითხველს მას ეტაპობრივად მივაწვდით.

ასევე გთავაზობთ, გერმანიის ტყვეთა ბანაკების - ძირითადად, ჰემერისა და მიულბერგის სიებს, რომელშიც დაკარგული ქართველი მეომრების გვარებს ამოიკითხავთ.

მკითხველს შევახსენებთ, რომ შესაძლოა, გვარ-სახელებსა და მისამართებში შეცდომები იყოს, რადგან თავის დროზე მონაცემები არასწორად იყო შეყვანილი.

ალექსანდრე დავითის ძე ხურციძე - დაბადებული 1902 წელს ვანის რაიონის სოფელ ამაღლებაში. მეუღლე - ქეთო. ტყვედ ჩავარდა 1942 წლის 20 მაისს. დაიღუა 1944 წლის 6 თებერვალს.

ერასტი ანტონის ძე სიამაშვილი - დაბადებული 1903 წლის 3 მაისს, მახარაძის (ახლანდელი ოზურგეთის) რაიონის სოფელ ვაკიჯვარში. მეუღლე - აფროდიტა ინწკირველი. ტყვედ ჩავარდა 1942 წლის 12 მაისს ქერჩში. დაიღუპა მიულბერგის ბანაკში 1944 წლის 12 ოქტომბერს ტუბერკულოზით.

ჭიჭიკო პორფირეს (ან პორფირის) ძე ბაღათურია - დაბადებული 1917 წელს, ხონის რაიონის სოფელ ნახახიჩუბში. დაიღუპა 1942 წლის 16 მაისს ყირიმში.

იროდი ილიას ძე გუჩიძე (ან გუჯიძე) - დაბადებული 1898 წელს. დაიღუპა ჰემერში ტყვეთა ბანაკში 1944 წლის 19 თებერვალს.

შალვა დიმიტრის ძე კაპანაძე - დაბადებული 1908 წელს, ზესტაფონის რაიონის სოფელ სვირში. მეუღლე – ალექსანდრა.

მალაქია ხუგაევი - დაბადებული 1900 წელს ქალაქ ცხინვალში, ტყვედ ჩავარდა 0 1942 წელს 14 მაისს, ქერჩში, დაიღუპა 1944 წლის 9 აგვისტოს.

სურგული ტუხას ძე პარკაული - დაბადებული 1904 წელს დუშეთის რაიონის სოფელ ბაზალეთში. მეუღლე – ნატა. 1942 წლის 21 ივნისს ტყვედ ჩავარდა ხარკოვში. გარდაიცვალა 1943 წლის 5 ივლისს, ლაზარეთში, ტუბერკულოზით.

გიორგი იოსების ძე პრიზნენკო - დაბადებული 1920 წლის 25 აგვისტოს, სავარაუდოდ, - ქალაქ წითელწყაროში (კრასნი კოლოდეც). დედა – მარია კულიკოვა. ტყვედ ჩავარდა 1942 წლის 7 სექტემბერს, იმავე წლის 5 ნოემბერს მიულბერგში ბანაკში, სადაც 1943 წლის 18 იანვარს დაიღუპა.

ვასილი პავლეს ძე სერდიკოვი - დაბადებული, ლაგოდეხის რაიონის სოფელ ულიანოვკაში, ახლანდელი ილიაწმონდა. მეუღლე - ანა სერდიკოვა. დაიღუპა 1942 წლის 10 ოქტომბერს, ჰემერის ტყვეთა ბანაკში.

ალექსანდრე იოსების ძე გოგალაძე - დაბადებული 1901 წელს ბორჯომის რაიონში. ტყვედ ჩავარდა ქერჩში 1942 წლის 16 მაისს. დაიღუპა 1944 წლის 9 თებერვალს. ბათჰორნის ბანაკში.

იროდიონ ლეჟავა, ანდრეის ძე - დაბადებული 1906 წელს, სოხუმში, თბილისის ქუჩაზე. მეუღლე – შურა. პროფესია – მზარეული, ტყვედ ჩავარდა 1942 წლის 26 ივნისს სევასტოპოლში. დაიღუპა 1943 წლის 8 იანვარს ჰემერის ტყვეთა ბანაკში. დიაგნოზი – სისუსტე.

გრიგორ ალექსის ძე ქართლელიშვილი - დაბადებული 1923 წელს, თბილისში. ტყვედ ჩავარდა მოზდოკში. დაიღუპა 1944 წლის 9 თებერვალს.

ნიკოლაი ჩორგოლიანი - დაბადებული 1893 წელს თბილისში. მეუღლე - ნინო. ტყვედ ჩავარდა 1942 წლის 27 სექტემბერს ვორონეჟში. დაიღუპა 1942 წლის 28 ნოემბერს ტყვეთა ბანაკში.

სამსონ ვასილის ძე ჯუღაშვილი - დაბადებული 1920 წელს, მცხეთის რაიონის სოფელ ნატახტარში, გაიწვიეს თბილისიდან. ტყვედ ჩავარდა 1941 წლის 20 ივლისს. დაიღუპა 1943 წლის 24 აპრილს, ჰემერის ტყვეთა ბანაკში.