ციხე, რომელშიც ქრაისთჩერჩში მომხდარ ტერაქტში ბრალდებულია მოთავსებული, ახალ ზელანდიაში ყველაზე მკაცრი სასჯელაღსრულების დაწესებულებაა. „დეილი მეილი“ ციხის ფოტოებს აქვეყნებს.
28 წლის ბრენტონ ტარანტი ოკლენდში მდებარე დაწესებულებაში 24 საათიანი კონტროლის ქვეშ არის. ის საკანში მარტოა, არ აქვს წვდომა გაზეთებზე, ტელევიზიასა და რადიოზე.
9 კვადრატული მეტრის დაცული კარი მხოლოდ თითის ანაბეჭდებით იღება, საწოლი კედელშია ჩაშენებული, ფანჯარა, მაგიდა და ტუალეტი კი კამერებით კონტროლდება.
მკაცრ დაწესებულებაში პატიმრები კამერაში დღე-ღამეში 20 საათს ატარებენ.
პარემოროს ციხეში ცოტა ხნის წინ 300 მლნ დოლარის ღირებულების რემონტი ჩატარდა, აქ 681 ადამიანი იხდის სასჯელს, ისინი ახალი ზელანდიის ყველაზე საშიში დამნაშავეები არიან.
ყველა საკანი პირველ სართულზეა განლაგებული.
ციხეში ყოფნის დროს პატიმარს ვიზიტორების მიღების საშუალება არ ექნება.
ტერაქტს, რომელიც ტარანტმა განახორციელა, 50 ადამიანი ემსხვერპლა. ის საკუთარ თავს სუპრემასისტს უწოდებს. ჯერჯერობით მას ბრალი მხოლოდ მკვლელობის მუხლით აქვს წაყენებული, თუმცა მოსამართლის განცხადებით, ტარანტს ბრალი დაუმძიმდება.
