მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გარემოვაჭრეების "კარვების ქალაქი" ეკლესიებთან - რა ხდება საქართველოს ცნობილ ტურისტულ ზონებში
11:28 / 30-01-2019
მცხეთაში, ჯვრის მონასტრის მიმდებარე ტერიტორიაზე უკანონო გარევაჭრობა მოვაჭრეებსა და სამღვდელოებას შორის დაპირისპირების საგნად იქცა. ჯვრის მონასტერი 14 იანვარს წინამძღვრის, კონსტანტინე ჭინჭარაულის გადაწყვეტილებით დაიკეტა, რისი მიზეზიც, საპატრიარქოს განცხადებით, გარემოვაჭრეების საქმიანობის მოწესრიგებისათვის გადადგმული ნაბიჯი იყო.
ეკლესიის ჭიშკარი 16 იანვარს გაიხსნა. მოგვიანებით, გარემოვაჭრეებმა საქმიანობა თვითნებურად განაახლეს. ახლა კი ტერიტორიაზე დახლების მოწყობის სამუშაოები იწყება, რაშიც ადგილობრივი მერია ჩაერთვება.
საქართველოში გარევაჭრობა კანონით აკრძალულია და კანონის დაცვაზე კონტროლი თვითმმართველობებს ევალებათ. თუმცა, ამის აღსრულება არ ხდება. ჯვრის მონასტრის ინციდენტის შემდეგ, დავინტერესდით რა ხდება გარევაჭრობის მიმართულებით სხვა ტურისტული ღირშესანიშნაობების მიმდებარე ტერიტორიაზე.
ანანურის კომპლექსის მიმდებარე ტერიტორიის მოწესრიგებაზე საუბარი წლებია მიმდინარეობს. ცნობილ ტურისტულ ზონაში, რომელსაც ყოველწლიურად ასი ათასობით ტურისტი სტუმრობს, გარემოვაჭრეებს "კარვების ქალაქი" აქვთ მოწყობილი, რაც არც ისე სასიამოვნო სანახავია.
თუმცა, კუსტარულად დამზადებულ ჯიხურებში მომუშავე ადამიანებისთვის, სხვადასხვა სუვენირებითა და ნივთებით ვაჭრობა, ერთადერთი შემოსავლის წყაროა. როგორც ჩვენთან საუბარში აღნიშნეს, მათთვისაც მიუღებელია მსგავს პირობებში მუშაობა, თუმცა, ალტერნატივის არარსებობის გამო სხვა გამოსავალი არ აქვთ.
"აქ არის ჩვეულებრივი დახლები, ქოლგა და მაგიდა. ქარში და წვიმაში ძალიან გვიჭირს. გამგეობა დაგვპირდა, რომ თებერვლიდან ტერიტორიის მოწესრიგების პროცესი დაიწყება და ჩვენთვისაც გამოიყოფა სივრცეები, ჩვენც თანახმა ვართ რომ მოწესრიგდეს მაგრამ ისე არა, რომ უმუშევრები დავრჩეთ" - ამბობს ანანურის ეკლესიასთან მომუშავე სოფო ბურდული.
ჩვენ დავუკავშირით დუშეთის მერსაც. ზურაბ სეხნიაშვილმა დაგვიდასტურა ტერიტორიის მოწესრიგების პროექტის არსებობა. მან აღნიშნა, რომ პროექტი ამჟამად ექსპერტიზას გადის, მხოლოდ ამის შემდეგ გამოცხადდება ტენდერი. სეხნიაშვილი სამუშაოების დაწყების ვადებს ჯერჯერობით ვერ ასახელებს.
რაც შეეხება სვეტიცხოვლის მიმდებარე ტერიტორიას, აქ გარევაჭრობა სხვა ადგილებთან შედარებით, მეტად მოწესრიგებულია. მოვაჭრეების თქმით, მათ საქმიანობაში ხელი, არც სახელმწიფოს და არც ეკლესიის მხრიდან არ ეშლებათ.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
