"რუსთავი 2"-ის ჟურნალისტები გვანცა სუთიძე და ლაშა კვესელაძე დაქორწინდნენ

"რუსთავი 2"-ის გადაცემა "პოსტსკრიპტუმის" ჟურნალისტები გვანცა სუთიძე და ლაშა კვესელაძე დაქორწინდნენ. "მოვასწარით" - ამ მინაწერით განათავსა ნეფემ ერთობლივი ფოტო "ფეისბუქის" პირად გვერდზე, რაშიც სავარაუდოდ 2018 წლის დასრულებამდე დაქორწინებას გულისხმობს.

სუთიძე და კვესელაძე "P.S"-ის ცნობილი ჟურნალისტები არიან, გვანცა კულტურისა და საზოგადოებრივ საკითხებზე, ლაშა კი სამართლის სფეროს სიუჟეტებზე მუშაობს. მათი ურთიერთობა როგორც ჩანს, რამდენიმე წელს ითვლის, რადგან წყვილს კომენტარებში უწერენ, რომ როგორც იქნა, ეს დღეც დადგა.

ქორწინების სახლში გამართულ ცერემონიას ჟურნალისტების ახლობლები და მეგობრები ესწრებოდნენ. სიძე და პატარძალი კოსტიუმებში იყვნენ გამოწყობილნი.