რამიშვილის და ჩარკვიანის სიმღერების ახალი ვერსიებით აღფრთოვანებული მსმენელი - ემოციური ფოტორეპორტაჟი "მხოლოდ ქართულის" დარბაზიდან

გუშინ "მხოლოდ ქართულის" კონკურსანტებს ორი ცნობილი და საყვარელი მუსიკოსის - ოთარ რამიშვილისა და მამუკა ჩარკვიანის სიმღერების ახლებური ვერსიების წარმოდგენა მოუხდათ. ძველი და ლამაზი ნაწარმოებები მუსიკოსმა ზვიად ბოლქვაძემ გადაამუშავა, რომელმაც ერთი კვირის განმავლობაში იმუშავა კიდეც კონკურსანტებთან. მაყურებელს ახლებური ვერსიები განსაკუთრებულად მოეწონა, რაც მონაწილეების მხარდაჭერით გამოიხატა.

ლაივის ლიდერი ნოდარიკო ხუციშვილი აღმოჩნდა, რომელმაც მამუკა ჩარკვიანის ცნობილი ჰიტი - "ჩემი აღარა ხარ, მორჩა" შეასრულა. გუშინდელი შოუს დატოვება შვიდიდან ერთ-ერთს, ვიოლეტა მგალობლიშვილს მოუხდა. პროექტის მორიგი ტური 31 დეკემბერს გაიმართება. გთავაზობთ ჩვენი ფოტოგრაფის ვანო გორგიშვილის ფოტორეპორტაჟს, რომელიც გუშინდელ ლაივკონცერტზე გადაიღო.