ერთი გარდაცვლილი და რვა დაშავებული - სოფელ აწყურში ერთმანეთს მსუბუქი ავტომობილი და სამგზავრო მიკროავტობუსი შეეჯახნენ

სოფელ აწყურში ავტოსაგზაო შემთხვევის შედეგად ერთი ადამიანი გარდაიცვალა და 8 დაშავდა.

როგორც Ambebi.ge-ს შინაგან საქმეთა სამინისტროში განუცხადეს, სოფელ აწყურში მსუბუქი ავტომობილისა და სამგზავრო მიკროავტობუსის შეჯახების შედეგად, მსუბუქი ავტომობილის მგზავრი გარდაიცვალა. მათივე ინფორმაციით, დაშავებულია მიკროავტუბუსში მყოფი 7 ადამიანი და მსუბუქი ავტომობილის მძღოლი, რომლებიც მკურნალობას კლინიკებში გადიან.

მომხდარზე გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის ექსპლუატაცის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.