"აქ ერთ დროს ქალაქი იყო... ჰაერში ცხედრების სუნია" - ფოტოები ინდონეზიაში ცუნამის შედეგად განადგურებული ქალაქიდან

ინდონეზიაში მიწისძვრისა და ცუნამის შედეგად დაღუპულთა რიცხვმა 1200-ს გადააჭარბა.

დამანგრეველი მიწისძვრისა და ცუნამის შემდეგ 5 დღე გავიდა. BBC-ის რამდენიმე ჯგუფი იმყოფება ტრაგედიის ადგილას და გთავაზობთ ფოტოებს, რომელიც ქალაქ პალუშია გადაღებული.

კუნძულ სულავესიზე, ქალაქ პალუს მახლობლად 28 სექტემბერს 6,1 მაგნიტუდის სიმძლავრის, რამდენიმე საათში კი კიდევ ერთი, 7,4 მაგნიტუდის სიმძლავრის მიწისძვრა მოხდა. მიწისქვეშა ბიძგებმა ცუნამი გამოიწვია, რომელმაც მთლიანად გაანადგურა ზღვისპირა ქალაქი პალუ.

ინდონეზიის სტიქიური უბედურებების შედეგების ლიკვიდაციის ეროვნული სამმართველოს ინფორმაციით, საკუთარი სახლების დატოვება 16 000-ზე მეტ ადამიანს მოუწია, ჰუმანიტარულ დახმარებას კი 2,4 მილიონი ადამიანი საჭიროებს.