ალექსეი ნავალნის პატიმრობა შეეფარდა

მოსკოვის ტვერის რაიონულმა სასამართლომ ოპოზიციონერი ალექსეი ნავალნი 2018 წლის იანვარში მოსკოვის ცენტრში არასანქციონირებული ღონისძიების ორგანიზებაში დამნაშავედ ცნო და 30-დღიანი ადმინისტრაციული პატიმრობა შეუფარდა.

„სასამართლომ ალექსეი ნავალნი ადმინისტრაციულ სამართალდარვევათა კოდექსის 20.2-მუხლის მე-8 ნაწილით გათვალისწინებული დანაშაულის ჩადენაში დამნაშავედ ცნო და მას სასჯელის სახით 30-დღიანი ადმინისტრაციული პატიმრობა შეუფარდა“, - განაცხადა მოსამართლემ.

ნავალნის ადვოკატების განცხადებით, ისინი გადაწყვეტილების გასაჩივრებას აპირებენ.