ინდონეზიაში ძლიერ მიწისძვრას მსხვერპლი მოყვა

ინდონეზიაში, კუნძულ ლომბოკზე მომხდარი ძლიერი მიწისძვრის შედეგად, გარდაცვლილთა რაოდენობა ათამდე გაიზარდა. ამის შესახებ Channel NewsAsia კატასტროფათა ლიკვიდაციის სააგენტოზე დაყრდნობით იუწყება.

ამავე სააგენტოს მონაცემებით, დაშავებულია 20-ზე მეტი ადამიანი.

6.4 მაგნიტუდის სიმძლავრის მიწისძვრა კვირას, ადგილობრივი დროით 6:47 საათზე ვულკან რინჯანის სიახლოვეს მოხდა. ძლიერი მიწისქვეშა ბიძგები იგრძნობოდა კუნძულ ბალიზეც.აღნიშნულ მიწისძვრას 11 აფთერშოკი თან ახლდა.