როგორ ატარებენ ზაფხულს გიორგი აბაშიძე და მისი მეუღლე - წყვილი ბათუმში ისვენებს

გიორგი აბაშიძისა და სალომე ბაჯელიძის ოჯახი საზოგადოებისთვის მუდმივად ინტერესის ობიექტია. ისინი პრესასთან არ კონტაქტობენ, მაგრამ ყოველთვის ყურადღების ცენტრში არიან. სალომე და გიორგი ძირითადად ბათუმში ცხოვრობენ, თუმცა ხშირად ჩადიან რუსეთში, სადაც აჭარის ყოფილი მეთაური, გიორგის მამა, ასლან აბაშიძე ცხოვრობს.

სალომეს და გიორგის უყვართ მოგზაურობა, წყვილი ძირითადად ყველგან ტყუპებთან ერთად დადის. აბაშიძე ბაჯელიძის წყვილი გასულ თვეს პორტუგალიაში ისვენებდა, მათ სხვადასხვა ქალაქები მოიარეს და აშკარაა, რომ ამ ქვეყანამ ორივე მოხიბლა. სალომე პორტუგალიაში გადაღებულ ფოტოებს ინსტაგრამზე დღემდე აქვეყნებს. ისინი პორტუგალიაში ბავშების გარეშე ისვენებდნენ. ამჯერად გიორგი და სალომე ბათუმში არიან. სალომე ინსტაგრამზე ხშირად აქვეყნებს უსაყვარლესი ტყუპების ვიდეოებს, რომელსაც დიდი გამოხმაურება აქვს.