მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სამწუხაროა, რომ ყვითელი ავტობუსების გამონაბოლქვის ფოტოების გაზიარება ხდება - ჰაერის დაბინძურების კუთხით ეს ზღვაში წვეთია"
14:41 / 02-07-2018
სამწუხაროა, რომ საზოგადოების მხრიდან ძირითადად ყვითელი ავტობუსების გამონაბოლქვის ფოტოების გაზიარება ხდება,- ამის შესახებ დედაქალაქის მერმა კახა კალაძემ კონფერენციის "ავტოსატრანსპორტო საშუალებების ტექნიკური ინსპექტირების რეფორმის მონიტორინგი და შეფასება" დასრულების შემდეგ ჟურნალისტებს განუცხადა.
როგორც კონფერენციაზე აღინიშნა, იმ ავტომობილთა 90%, რომლებიც თბილისში გადაადგილდება, არის მოძველებული და განახლებას საჭიროებს.
დედაქალაქის მერის თქმით, ჰაერის დაბინძურების თვალსაზრისით, საზოგადოებრივი ტრანსპორტის გამონაბოლქვი არის ზღვაში წვეთი, რადგან დედაქალაქში 500 000-მდე ავტომობილი გადაადგილდება და მათი უმრავლესობა არის 10-დან 20 წლამდე.
"ჰაერის დაბინძურების თვალსაზრისით დედაქალაქში გვაქვს მწვავე პრობლემა. ამ მიმართულებით წარმოებული ყველა კვლევა არის კრიტიკული. მგონია, რომ თუ არ განხორციელდება გარკვეული რეფორმები, შეუძლებელია არსებული მდგომარეობის გაუმჯობესება.
სამწუხაროა, რომ საზოგადოების მხრიდან ძირითადად ყვითელი ავტობუსების გამონაბოლქვის ფოტოების გაზიარება ხდება. შემიძლია გითხრათ, რომ ეს არის ზღვაში წვეთი იმიტომ, რომ დედაქალაქში გადაადგილდება დაახლოებით 500 000-ზე მეტი ავტომობილი. აქედან საზოგადოებრივი ტრანსპორტის წილი არის დაახლოებით 650 ერთეული ავტობუსი. დანარჩენი ავტომობილების 90% არის 10-დან 20 წლამდე. რომ გადავხედოთ სტატისტიკას, ავტომობილების იმპორტი ყოველწლიურად 7%-ით იზრდება და მათი ძირითადი ნაწილი არის ძველი.
კიდევ ახალი რაღაც შემოიტანეს-კატალოზატორებს იღებენ მანქანებიდან და ცალკე ყიდიან. ანუ, სრული კატასტროფა გვაქვს ამ კუთხით და მგონია, რომ ჩვენ საზოგადოების ჩართულობით შევძლებთ ამ პრობლემის მოგვარებას,"- განაცხადა კალაძემ.
მისი თქმით, დედაქალაქის მერია უახლოეს მომავალში სატრანსპორტო პოლიტიკის პრეზენტაციას წარადგენს.
"უახლოეს მომავალში დედაქალაქის მერია აპირებს წარმოადგინოს სატრანსპორტო პოლიტიკა, თუ როგორი ხედვა აქვს გრძელვადიან პერსპექტივაში. მგონია, რომ საკმაოდ საინტერესო იქნება. ჩვენი პოლიტიკა მიმართულია იმისკენ, რომ გვეყოლება ახალი ეკოლოგიურად სუფთა ევროპული ტიპის ავტობუსები და პარალელურად მოსახლეობას უნდა ვუთხრათ ის, რომ ძველი ავტომობილებით გადაადგილება არის დამაზიანებელი. ამიტომ მგონია, რომ ხალხი ამას გაგებით მოეკიდება," - განაცხადა კახა კალაძემ.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
მარტო ძველი ავტობუსები? ჯართი მსუბუები და რაც მთავარია "სუნამონარევი" ბენზინი. ისე რა მნიშვნელობა აქვს, ტრანსპორტი მოგკლავს თუ კორონავირუსი.
30 წლის ავტომობილი მყავს და გამონაბოქვზე ტესტი ბრწყინვალედ გაიარა. ნორმის ნახევარიც არ აჩვენა, დროულად შეცვალეთ ზეთი და ფილტრი, ნუ გააუბედურებთ ძრავს, ჩაასხით ნორმალური საწვავი და არანაირი გამონაბოლქვი არ ექნება.. ასე რომ მანქანის ასაკს კი არა მის გამართულობას მიაქციეთ ყურადღება. ბევრი ახალი მანქანა მინახავს, ისეთი ჭვარტლი გასდის, უკან აღარაფერი ჩანს.