საზარელი ავარია ქედაში - გარდაცვლილია 5 ადამიანი

ქედაში ავტოსაგზაო შემთხვევის შედეგად 5 ადამიანი გარდაიცვალა. თვითმხილველების ინფორმაციით, ერთმანეთს სატვირთო და მსუბუქი ავტომობილები შეეჯახა. შემთხვევა რამდენიმე წუთის წინ მოხდა.

ადგილზე სამართალდამცველები არიან მობილიზებულები. შსს-მ ფაქტზე გამოძიება სისხლის სამართლის კოდექსის 276–ე მუხლის მეხუთე ნაწილით დაიწყო, რაც სატრანსპორტო მოძრაობის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.