საგანგებო სიტუაციების მართვის სამსახური სტიქიის შედეგებზე ინფორმაციას აქვეყნებს
თბილისში ძლიერი ქარის შედეგად 16:00 საათიდან 21:00 საათის მონაცემებით, 54 საცხოვრებელი სახლი, 68 ხე, 7 გარეგანათების ბოძი, 43 ელექტროსადენი, 6 ავტომანქანა, 5 გაზის ცენტრალური მილი და 6 სარეკლამო ბანერი დაზიანდა.
აღნიშნულ სტატისტიკას საგანგებო სიტუაციების მართვის სამსახური აქვეყნებს. ოფიციალური მონაცემების თანახმად, სტიქია უტევს რეგიონებსაც, კერძოდ: შიდა ქართლში, 3 საცხოვრებელი სახლის სახურავი დაზიანდა. აჭარაში დაზიანდა 1 საცხოვრებელი სახლის სახურავი.
იმერეთში, სამტრედიის რაიონის სოფელ საჯავახოში წვიმის შედეგად ჩამოიშლილია მიწა, დაზიანებულია ხეები და ჩახერგილია გზის სავალი ნაწილი. სამეგრელო-ზემო/სვანეთი- მესტია სოფ. ლახამულაში ჩამოწოლილი ზვავის შედეგად ჩაიხერგა გზა. მარტვილში ადიდდა მდინარე ტეხურა, რის გამოც დატბორილია მიმდებარე ტერიტორია.
მცხეთა-მთიანეთი - მდინარე მტკვრის ადიდების შედეგად დატბორილია მიმდებარე ტერიტორია, დაზიანებულია 1 საცხოვრებელი სახლი.
საგანგებო სიტუაციების მართვის სამსახურის ინფორმაციით, სტიქიის შედეგად არავინ დაშავებულა.
ნახეთ ასევე: სახურავგადახდილი რესტორანი დიდ დიღომში და სკოლა თერჯოლაში - სახანძრო-სამაშველო გამოძახებების უახლესი სტატისტიკა
ძლიერი ქარის გამო თბილისის საერთაშორისო აეროპორტში ოთხი რეისი ვერ სრულდება
"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს
დიდ დიღომში ახალგაზრდა ბიჭის ცხედარი იპოვეს
