ვულკანიზაციაში საბურავის გახეთქვის შედეგად მამაკაცმა კიდურების მოტეხილობა მიიღო

ხელვაჩაურში, ცენტრალურ საავტომობილო გზაზე, ერთ-ერთ ვულკანიზაციაში საბურავის დაზიანების შედეგად მამაკაცი დაშავდა. სასწრაფო სამედიცინო დახმარების ბრიგადამ იგი კლინიკა "მედინაში" გადაიყვანა. ექიმების ინფორმაციით, მამაკაცს კიდურების მოტეხილობა და დაჟეჟილობა აღენიშნება. თვითმხილველების ინფორმაციით, მანქანის საბურავი გასკდა და იქვე მყოფი მამაკაცი დააზიანა.