დაჭრილი მოზარდის მეორე ოპერაცია დასრულდა
რესპუბლიკურ საავადმყოფოში მოთავსებული დაჭრილი მოზარდის მეორე ოპერაცია დასრულდა. როგორც ჟურნალისტებს ჯანდაცვის მინისტრის მოადგილემ, ზაზა სოფრომაძემ განუცხადა, პაციენტი გადაყვანილია რეანიმაციულ განყოფილებაში და მისი მდგომარეობა კვლავ მძიმეა. მისივე თქმით, პაციენტი ექიმების 24-საათიანი მეთვალყურეობის ქვეშ რჩება.
"მეორე ოპერაცია დასრულდა, პაციენტი გადაყვანილია რეანიმაციულ განყოფილებაში. მისი მდგომარეობა კვლავ მძიმეა. თუმცა ბუნებრივი მაჩვენებლები სტაბილურია", - განაცხადა ზაზა სოფრომაძემ.
თბილისში, ხორავას ქუჩაზე, სკოლის მოსწავლეებს შორის მომხდარი ჩხუბის დროს ცივი იარაღით დაჭრეს ორი არასრულწლოვანი. მათგან ერთი - საავადმყოფოში იქნა გადაყვანილი, ხოლო მეორე - მიყენებული ჭრილობის შედეგად, საავადმყოფოში მიყვანამდე გარდაიცვალა.
ნახეთ: რას ამბობს დეტექტივ-გამომძიებლი მოსწავლეებს შორის მომხდარი ჩხუბის შესახებ
განათლების მინისტრის განცხადება მოსწავლეებს შორის მომხდარ დაპირისპირებაზე
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
