ირლანდიის ერთ-ერთ ქალაქში, სადაც სიდრს აწარმოებენ, ფოტოგრაფებმა უჩვეულო ბაღი შენიშნეს - ვაშლის უზარმაზარი და ულამაზესი ხალიჩა, თითქოს, ვიღაცამ სათითაოდ დააწყო ხილი ერთმანეთზე.
ფოტოების ავტორი, ტონი იგანი ყვება, რომ ქალაქ კლომენში ვაშლი ძლიერი ქარის დროს ჩამოცვივდა, ქარიშხალ ოფელიას დროს. მისივე თქმით, ბაღი დაბლობზე მდებარეობს, მდინარე შურთან.
"ქარიშხლის დროს მდინარე გადმოვიდა ნაპირებიდან და დატბორა ბაღები, ჩამოცვენილი ვაშლები ერთ ადგილას მოგროვდა. სანამ მიწა წყლით იყო დაფარული, ვაშლები ზედაპირზე დაცურავდნენ, როდესაც წყალი კალაპოტს დაუბრუნდა, ბაღი ვაშლის ხალიჩით დაიფარა," - ამბობს ფოტოგრაფი.
ქარიშხალი ოფელია ირლანდიას გასულ კვირას დაატყდა თავს, ათასობით სახლი ელექტროენერგიის გარეშე დატოვა, მოგლიჯა ხეები.
მომზადებულია BBC-ს მიხედვით
