"ზოგან იწვიმებს, მაღალ მთაში მოთოვს" - უახლოესი კვირის ამინდის პროგნოზი

ხვალიდან 11 ნოემბრამდე საქართველოში არამდგრადი ამინდია მოსალოდნელი. გარემოს ეროვნული სააგენტოს ინფორმაციით, დღეს საქართველოში თბილი და უნალექო ამინდი შენარჩუნდება.

"7-8 ნოემბერს ზოგან იწვიმებს, მაღალ მთაში მოთოვს. ჰაერის ტემპერატურა დაბლობსა და ბარში +15, +20 გრადუსის ფარგლებშია მოსალოდნელი.

9 ნოემბერს კი აღმოსავლეთ საქართველოს უმეტეს რაიონში მოსალოდნელია ნალექიანი ამინდი. ჰაერის ტემპერატურა +11, +16 გრადუსამდე დაიკლებს.

დედაქალაქში 7 - 9 ნოემბერს მცირე წვიმაა მოსალოდნელი. 11 ნოემბრიდან ქვეყნის ტერიტორიის უმეტეს ნაწილში გამოიდარებს", - ნათქვამია სააგენტოს ინფორმაციაში.