მეტროსადგური "ვაჟა-ფშაველა" მგზავრებს რამდენიმე დღით ვერ მოემსახურება
რეგიონული განვითარებისა და ინფრასტრუქტურის სამინისტროს მოთხოვნის საფუძველზე, მეტროსადგურ "სახელმწიფო უნივერსიტეტში" მიმდინარე სამუშაოების ბოლო ეტაპზე გადასვლასთან დაკავშირებით, სადგური "ვაჟა-ფშაველა" მგზავრებს რამდენიმე დღით ვერ მოემსახურება, - ამის შესახებ "ინტერპრესნიუსს" შპს "თბილისის სატრანსპორტო კომპანიიდან" აცნობეს.
მათივე ინფორმაციით, მეტროს ახალი სადგურის - "სახელმწიფო უნივერსიტეტის" პირველი ეტაპის სამუშაოები, რომელიც თავის მხრივ, ახალი და ძველი სისტემების სამონტაჟო-საინჟინრო პროცესების განხორციელებას გულისხმობდა, წარმატებით დასრულდა.
როგორც "თბილისის სატრანსპორტო კომპანიაში" განმარტავენ, შესაბამისად, იწყება მოსამზადებელი სამუშაოები იმისათვის, რომ ეკონომიკისა და მდგრადი განვითარების სამინისტროს ტექნიკური და სამშენებლო ზედამხედველობის სააგენტომ მეტროსადგური ექსპლუატაციაში მიიღოს. ახალი სადგური რამდენიმე დღეში ამოქმედდება.
"საბურთალოს ხაზზე მატარებლები კვლავ "სადგურის მოედნიდან" "დელისამდე" იმოძრავებენ, გადაადგილების შეფერხების თავიდან აცილების მიზნით კი თბილისის მერია მგზავრებს მომდევნო დღეებშიც სპეციალურად დანიშნული ავტობუსებით მოემსახურება, რომლებიც მეტროსადგური "დელისიდან" ვაჟა-ფშაველას გამზირის გავლით, სანდრო ეულის ქუჩის მიმართულებით იმოძრავებენ", - ნათქვამია განცხადებაში.
"თბილისის სატრანსპორტო კომპანია" მგზავრებს შექმნილი დისკომფორტისათვის ბოდიშს უხდის.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
