91 წლის ასაკში მსახიობი კოტე თოლორაია გარდაიცვალა
კინოსა და თეატრის ცნობილი მსახიობი კოტე თოლორაია 91 წლის ასაკში გარდაიცვალა. ამის შესახებ ინფორმაციას, რეჟისორი დიმიტრი ხვთისიაშვილი ავრცელებს:
"არაჩვეულებრივი კაცი, საოცრად თბილი და სიკეთით სავსე, ბატონი კოტე თოლორაია გარდაიცვალა" - წერს რეჟისორი ფეისბუქის პირად გვერდზე. მსახიობის გარდაცვალების გაამო მწუხარებას გამოთქვამს თეატრმცოდნე და ტელეწამყვანი ნიკა წულუკიძე: "არაჩვეულებრივი პიროვნება და კარგი არტისტი კოტე თოლორაია გარდაიცვალა " - წერს წულუკიძე.
მსახიობი 1926 წელს დაიბადა. გადაღებულია ისეთ ცნობილ ფილმებში, როგორიცაა: "ცხოვრება დონ კიხოტისა და სანჩოსი"; " ადამიანთა სევდა"; "მაცი ხვიტია"; "რაც გინახავს, ვეღარ ნახავ" და სხვ.
კოტე თოლორაია ქართული თეატრის ერთ-ერთ გამორჩეულ მსახიობზე, თამარ სხირტლაძეზე იყო დაქორწინებული. წყვილს ერთადერთი ვაჟი ჰყავდათ - "ღიმილის ბიჭი" თაზო თოლორაია, რომელიც რამდენიმე წლის წინ უკურნებელი სენით გარდაიცვალა.
მსახიობის პანაშვიდი გაიმართება 8-9 სექტემბერს ქავთარაძის 17 ნომერში, გამოსვენება კვირას, ეკლესიიდან.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
