ბულგარეთის დედაქალაქ სოფიაში 44 გრადუსიანი სიცხის შედეგად, ხუთი ადამიანი გარდაიცვალა. ამის შესახებ "ფრანსპრესი" სოფიის საავადმყოფოებზე დაყრდნობით იუწყება.
"ქალაქის საგანგებო სიტუაციათა სამსახურებმა დახმარება 200-მდე ადამიანს აღმოუჩინეს, ვინც თავი შეუძლოდ იგრძნო", - განაცხადეს საგანგებო დახმარების სამსახურში.
უწყება მოსახლეობას ურჩევს, ჯერჯერობით სახლებიდან ნუ გავლენ. მათივე ინფორმაციით, წელს პირველად, ძლიერი სიცხის შესახებ "წითელი გაფრთხილება" ქვეყნის მასშტაბით 17 რეგიონში შემოიღეს.
