გიგა ოთხოზორიას ოჯახს ზუგდიდში სახლი გადასცეს

მთავრობის გადაწყვეტილებით, დევნილთა და განსახლების სამინისტრომ, სოფელ ხურჩაში ადმინისტრაციულ საზღვართან მოკლული გიგა ოთხოზორიას შვიდსულიან ოჯახს ზუგდიდში სახლი გადასცა.

მინისტრი სოზარ სუბარი და სამეგრელო-ზემო სვანეთის გუბერნატორი ლევან შონია ოთხოზორიების ოჯახს დღეს ესტუმრნენ და საცხოვრებელი სახლის დამადასტურებელი მოწმობა გადასცეს.

გიგა ოთხოზორიას ოჯახმა, რომლიც ამ დრომდე ქირით ცხოვრობდა ზუგდიდის ცენტრში არსებული კერძო სახლი საკუთარი სურვილით შეარჩია. ახალ სახლში გადასვლისთვის საჭირო ტრანსპორტირების ხარჯებს ადგილობრივი მთავრობა დაფარავს.