დღეიდან საქართველოში გამოიდარებს

სინოპტიკოსები საქართველოს მასშტაბით გამოდარებას 13 ივნისიდან პროგნოზირებენ. როგორც AMBEBI.GE გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოლოგიური სამსახურის უფროსმა, სვეტლანა ნიორაძემ განუცხადა, დღეს შედარებით გამოიდარებს, თუმცა ცალკეულ რაიონში შენარჩუნდება ხანმოკლე წვიმა და ელჭექი, განსაკუთრებით საღამოსა და ღამის საათებში. ჰაერის ტემპერატურა 3 - 4 გრადუსით მოიმატებს და +23 +28 გრადუსის ფარგლებში იქნება.

მისივე თქმით, 13 ივნისიდან მთელი საქართველოს მასშტაბით ძირითადად უნალექო ამინდებია მოსალოდნელი. 13 ივნისს დასავლეთ საქართველოში ჰაერის ტემპერატურა +27 +32 გრადუსის, აღმოსავლეთში კი +24 +29 გრადუსის ფარგლებში იქნება.

14 ივნისს საქართველოში ჰაერის ტემპერატურა კიდევ უფრო მოიმატებს და დასავლეთში +31 +36, აღმოსავლეთში კი +27 + 32 გრადუსის ფარგლებში იქნება.