საქართველოში 1,2 მილიონი მანქანიდან 10% ჩამოსაწერია
საქართველოში ავტომობილების რაოდენობა საოცარი სისწრაფით მატულობს. როგორც გაზეთი "რეზონანსი" წერს, ბოლო მონაცემებით, მანქანების რაოდენობა ქვეყანაში 1,2 მლნ-ს აღწევს. წლის დასაწყისში ეს მაჩვენებელი 1,1 მლნ-ს არ აღემატებოდა. ბუნებრივია, ამ სტატისტიკაში იგულისხმება გაჩერებული და ამორტიზებული მანქანებიც, რომლებიც საერთო ავტოპარკის დაახლოებით 10%-ს შეადგენს.
სპეციალისტების ინფორმაციით, ავტომობილების რიცხვის მატება გამოწვეულია მარჯვენასაჭიანი მანქანების იმპორტის გააქტიურებით. როგორც ექსპერტები ამბობენ, ამ კატეგორიის სატრანსპორტო საშუალებების რეექსპორტი, იშვიათი შემთხვევის გარდა, არ ხოციელდება და მათი უმეტესობა საბოლოოდ ადგილობრივ ბაზარზე რჩება.
დაახლოებით 400 000-მდეა იმ მანქანების რიცხვი, რომელთა ასაკი 20 წელს აღემატება. ტრანსპორტისა და გზების ასოციაციის ხელმძღვანელ დავით მესხიშვილის განმარტებით, ეს არის ის კატეგორია, რომელთაც ტექდათვალიერების გავლა გაუჭირდება. დამატებით 400 000-ზე მეტია 10-დან 20 წლამდე ასაკის ავტომობილიც. რაც შეეხება სრულიად ახალ მანქანებს (0-დან 3 წლამდე), მათი ოდენობა 50 ათასს არ აღემატება, რაც ძალიან დაბალი მაჩვენებელია.
"ავტომობილების ჭარბი რაოდენობა სულაც არ ნიშნავს, რომ ქვეყანაში ეკონომიკური მდგომარეობა გაუმჯობესდა. ეს არის შედეგი იმისა, რომ დარგი არასწორი მიმართულებით ვითარდება. მანქანების უმეტესობა განკუთვნილია იმისათვის, რომ ადამიანებმა მცირე შემოსავალი მიიღონ", - აცხადებს მესხიშვილი.
მანქანების რეგისტრაციასთან დაკავშირებით კვლევა ბოლოს ახალგაზრდა ფინანსისტთა და ბიზნესმენთა ასოციაციამ ჩაატარა. როგორც კომპანიაში განმარტავენ, ამ ეტაპისთვის მანქანების რაოდენობა 1,2 მილიონს აღწევს, რაც საგანგაშო სტატისტიკაა განაგრძეთ კითხვა
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
