მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მთელი საქართველო მათ ხელებს ლოცავს, ვინც ბოკერია და სხვები გალახა"
05:57 / 25-05-2016
"მთელი საქართველო მათ ხელებს ლოცავს, ვინც ბოკერია და სხვები გალახა" - ამის შესახებ საპარლამენტო უმრავლესობის წევრმა ომარ ნიშნიანიძემ, კორცხელში მომხდარი დაპირისპირების კომენტირებისას ჟურნალისტებს განუცხადა.
როგორც ნიშნიანიძემ აღნიშნა, პირველ რიგში იმ პირების პასუხისმგებლობის საკითხი უნდა დადგეს, ვინც 2012 წელს კარალეთის ინციდენტში მონაწილეობდა და ეს ადამიანები სათანადოდ უნდა დაისაჯონ.
"ცხრა წლის განმავლობაში გვცემდნენ და რატომ გიკვირთ, რომ ახლა ხელი შევუბრუნოთ მათ? დროზე უნდა გალახულიყვნენ, თავის დროზე უნდა დასჯილიყვნენ და დღეს ეს არ მოხდებოდა. მოდი, ჯერ დავსაჯოთ ისინი, ვინც 2012 წელს თავები დაგვიხეთქეს ქვებით კარალეთში. თუ ერთი ადგილი ჰქონდათ, ის ხალხი დაესაჯათ. მერე დააყენონ იმის პასუხისმგებლობის საკითხი, ვინც ეს ბიჭები გააგზავნა სამეგრელოში და მერე კი ბატონო, ამ ბიჭებსაც ვუთხრათ, თუ გინდა ყური ავუწიოთ, მე ვიტყოდი - დავარიგოთ, რომ არჩევნების დღეს და არჩევნების პერიოდში არ შეიძლება მათი ცემა, თორე ისე საცემები არიან. მათ რომ სირცხვილი ჰქონდეთ, ნამუსი ჰქონდეთ, შუბლზე ძარღვი ჰქონდეთ, საერთოდ არ უნდა ჩნდებოდნენ ხალხში.
რეაგირება იქნება, არ დაახანებს, მაგრამ ჩვენ ვერ ვიქნებით თავის მართლების რეჟიმში. "ქართული ოცნება" არ უნდა იყოს შეშინებული. მთელი საქართველო მათ ხელებს ლოცავს, ვინც ბოკერია და სხვები გალახა. ჩვენ ვის ვსჯით, მათ ვსჯით? არ იქნება ეს სწორი. მე არ ვამბობ, რომ გინდა თუ არა ამ ფაქტს მივესალმები. რა თქმა უნდა, არ უნდა მოხდეს, მითუმეტეს საარჩევნო პერიოდში, მაგრამ დასასჯელი ისინი იყვნენ. თავის დროზე რომ სამართლიანობა აღმდგარიყო, მაშინ დღეს ეს ნაკლებად მოხდებოდა", - განაცხადა ომარ ნიშნიანიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
