დიდ ქალაქში ცხოვრება ბავშვის ფსიქიკაზე ცუდ ზეგავლენას ახდენს - ასეთ დასკვნამდე მივიდნენ ამერიკის დიუკის უნივერსიტეტის და სამეფო კოლეჯის (დიდი ბრიტანეთი) მკვლევარები. ამის მიზეზად უპირველეს ყოვლისა ასახელებე მეზობლებს შორის სუსტ სოციალურ კავშირს და შესაბამისად დანაშაულის მაღალ დონეს.
მეცნიერები აკვირდებოდნენ 2 ათასამდე ბრიტანელ ტყუპს, რომლებიც ცხოვრობდნენ დიდ ქალაქებსა და სოფლებში დაბადებიდან - 12 წლის ასაკამდე. 12 წლის ასაკში ყველამ გაიარა ტესტირება - პარანოიდულ ფიქრებზე, ხმოვან და ვიზუალურ ჰალუცინაციებზე, მომატებულ მგრძნობელობაზე (მაგ: იმაზე, რომ ვიღაცას შეუძლია მათი აზრების წაკითხვა) და სხვა. გარდა ამისა,
გარემო, რომელშიც ცხოვრობდნენ ბავშვები, ყურადღებით შეისწავლეს.
გამოკითხეს ადგილობრივი მცხოვრებლები და მეზობლები. Google Street View--ის დახმარებით და ადმინისტრაციული მონაცემებით შეადგინეს დაწვრილებითი რაიონების პროფილები, გააანალიზეს ოჯახური ისტორიები ფსიქიკურ აშლილობაზე.
"ჩვენ გვინდოდა, გაგვეგო, თუ როგორ მოქმედებს ბავშვებზე გარემო, რომელშიც იზრდებიან", - განმარტა კვლევის ავტორმა კენდის ოჯერსმა...განაგრძეთ კითხვა
